Пачаўся фэст у Будславе, дзе сабраліся пілігрымы з усіх куткоў Беларусі.
У каталіцкі Нацыянальны санктуарый прыбылі амаль 2 тысячы вернікаў, пераадолеўшы шматдзённы шлях да Маці Божай Будслаўскай.
![📅](https://st.mycdn.me/static/emoji/14-0-0/20/1f4c5@2x.png)
У Будславе Мядзельскага раёна 5-6 ліпеня праходзіць фэст у гонар цудатворнага абраза Маці Божай Будслаўскай. Вернікі прыехалі з Мінска, Віцебска, Ліды, Смаргоні і іншых месцаў, многія пераадолеўшы гэты шлях пешшу або на роварах. Самая доўгая пілігрымка — з Баранавічаў, каля 300 кіламетраў!
На завяршэнне пілігрымкі каталіцкіх вернікаў з Баранавічаў у Будслаў адзін са святароў адпраўляў святую Імшу ў незвычайным уборы. Ягоныя альба і стола, у якіх ён выйшаў да алтара, былі ўпрыгожаны беларускімі нацыянальнымі ўзорамі.
Святар, які паказаў нацыянальны святочны дрэс-код, — пробашч каталіцкай парафіі ў Пружанах ксёндз Павел Ярашэвіч. У альбе з вышыванкай яго бачылі і раней. Акрамя таго, што ксёндз Павел – шматразовы ўдзельнік пешых пілігрымак, ён яшчэ і байкер!
Нет комментариев