Сапраўднае імя і прозвішча паэта Іван Патаповіч.
У 1931 скончыў Віленскую беларускую гімназію; вучыўся ў Віленскім універсітэце.
Першыя свае вершы змясціў у 1928 у рукапісным часопісе падпольнай камсамольскай групы Віленскай беларускай гімназіі «Васілёк» (№ 1). У 1931 апублікаваў «Адкрыты ліст» з заклікам да заходнебеларускіх пісьменнікаў аб'яднацца ў адзіную пісьменніцкую арганізацыю. Адзін са стваральнікаў Літаратурнага фронту сялянска-рабочых пісьменнікаў Заходняй Беларусі.
Быў асуджаны польскімі ўладамі на 5 гадоў пазбаўлення волі. Выйшаў па амністыі.
Пасля вызвалення заняўся арганізацыяй кааператываў у вёсках сваёй ваколіцы.
У 1939 браў удзел у арганізацыі работы першых савецкіх устаноў у Заходняй Беларусі. Але савецкія ўлады не ацанілі працы беларускага паэта. Мяркуецца, што загінуў у ГУЛАГу.
Сёння рэжым Лукашэнкі выкарыстоўвае імя паэта, каб паказаць, як змагаліся інтэлігенты і творчыя людзі за аб'яднанне Заходняй Беларусі з БССР. Чамусьці ігнаруючы пры гэтым факт ГУЛАГу ў жыцці і смерці паэта.
Гэй, арліная мая сіла,
Ты ўзнімі мяне ўвысь.
Над маёю старонкай мілай
Ты крыламі размахнісь!
Присоединяйтесь к ОК, чтобы подписаться на группу и комментировать публикации.
Нет комментариев