«Հիմա մենք կենտրոնացած ենք առաջիկա խաղի վրա։ Ցանկանում ենք լավ ֆուտբոլ ցուցադրել, իսկ հեշտ չի լինելու, քանի որ բարդ մրցակցի դեմ ենք խաղում։ Սա կարևոր խաղ է Լա լիգայում, որում ցանկանում ենք երեք միավոր վաստակել»։
«Մենք պետք է անենք այն, ինչ կարող ենք, ու անենք դա ամբողջ 90 րոպեների ընթացքում շարունակ։ Մենք ցանկանում ենք միավորներ վաստակել Լա լիգայում ու կրճատել միավորների տարբերությունը մեզանից առաջ գտնվող թիմերից։ Ամբողջ շաբաթվա ընթացքում աշխատել ենք բոլոր խաղային գործոնների վրա ու հույս ունենք, որ կկարողանանք մեր մտահաղացումները իրագործել խաղադաշտում»։
Փետրվար ամսվա մասին.
«Բարդ ամիս է սպասվում, ու արդեն չորեքշաբթի օրվանից սկսվում են կարևոր հանդիպումները։ Մենք երկու շաբաթ ունեինք, որ մի փոքր ավելի շատ աշխատեինք, իսկ հիմա արդեն կարևոր խաղերն են մոտենում, ու դա հիանալի է, քանի որ ֆուտբոլիստները հենց դա էլ ուզում են»։
Ռոնալդուի մասին.
«Նա անհավանական ֆոււտբոլիստ է։ Ճիշտ է, մի պահ եղավ, որ նա շատ գոլեր չէր խփում, բայց նա մշտապես ապացուցել է, որ կարևոր պահերին կարողանում է իր գործն անել, նա մեծ խաղերի ֆուտբոլիստ է»։
Կոչ՝ երկրպագուներին.
«Ցանկանում ենք, որ նրանք լինեն մեր կողքին, ու մենք հավատում ենք, նրանք այդպես էլ կանեն մինչև վերջին պահը, անկախ նրանից, թե ինչ կլինի»։
Կայունության պակաս.
«Մենք լավ խաղացինք «Դեպորտիվոյի» ու «Վալենսիայի» դեմ։ Կայունությունն իսկապես խնդիր է մեզ մոտ։ Մրցաշրջանի ընթացքում հնարավոր է սայթաքել, բայց մեզ առջևում լուրջ մարտահրավեր է սպասում, ու մենք կանենք ամեն հնարավոր բան պատվով դուրս գալու համար։ Հավատում ենք, որ մեծ նվաճումների կարող ենք հասնել, ու ինձ միայն դա է մտահոգում։ Ցանկանում եմ, որ ֆուտբոլիստներս դուրս գան խաղադաշտ ու խաղան, լինեն ագրեսիվ այս բառի լավագույն իմաստով, պաշտպանվեն, պայքարեն։ Հենց այդ ամենն էլ մենք անում ենք մարզումների ժամանակ»։
Իսկոյի մաիսն.
«Մի որոշ ժամանակ առաջ հարցնում էիք, թե ինչու նա նոր պայմանագիր չի կնքում։ Հավատում եմ իմ թիմին ու այդպես կանեմ մինչև վերջ։ Ես ամբողջովին եմ նվիրվում այն ամենին, ինչ անում եմ։ Ցանկանում եմ, որ Իսկոն իր ողջ կարիերան անցկացնի այստեղ, ու դա փոփոխման ենթակա չէ։ Այս թիմի ցանկացած ֆուտբոլիստ կարևոր է։ Մենք շատ խաղեր ենք անցկացնում, ու բոլորն էլ կստանան իրենց շանսը։ Ինձ համար շատ դժվար է ընտրել մեկնարկային կազմը»։
ՊՍԺ-ի դեմ խաղերը.
«Մենք մեր ողջ ուժերն ենք ներդնելու։ Ոչ ոք չգիտի, թե ինչ կլինի չորեքշաբթի, բայց մենք ցանկանում ենք լավ ֆուտբոլ խաղալ։ Գիտենք, որ դժվար է լինելու, բայց դա մեզ չի անհանգստացնում։ Սրանք այնպիսի խաղեր են, որոնցում ցանկացած ֆուտբոլիստ մեծ հաճույքով է դաշտ դուրս գալիս»։
Կարվախալի որակազրկման մասին.
«Ինչ էլ ես ասեմ, իրավիճակը չի փոխվի, այնպես որ իմ կարծիքը կպահեմ ինձ։ Չեմ ցանկանում այս հարցի վրա ժամանակս վատնել»։
Բենզեմայի մասին.
«Մենք բոլորս մի նավակի վրա ենք ու գիտենք, որ կարող ենք միմյանց վրա հույս դնել։ Որպես թիմ մենք կարող ենք ավելի լավ գործել, այդ թվում նաև Կարիմը։ Մենք ապրում ենք նրանով, ինչ անում ենք խաղադաշտում»։
Իսպանիայի գավաթի խաղարկության եզրափակչի մարզադաշտը.
«Ինձ չի հետաքրքրում, թե որտեղ կկայանա այդ խաղը։ Ինձ հետաքրքրում է վաղվա խաղը, իսկ մնացած ամեն ինչ երկրորդական է»։#Dav
Присоединяйтесь к ОК, чтобы подписаться на группу и комментировать публикации.
Нет комментариев