2016/17 մրցաշրջանի վերջին մի քանի ամիսները Կրիշտիանու Ռոնալդուի կատարմամբ այնքան տպավորիչ էին, որ նա որոշել է այս տարի ևս կիրառել ֆիզիկական պատրաստության նույն ծրագիրը։Իհարկե, կլինեն որոշակի փոփոխություններ՝ հաշվի առնելով Ռոնալդուի առողջական վիճակը, քանի որ այս ամառ նա լիովին առողջ է, մինչդեռ նախորդ մրցաշրջանի ավարտից հետո ապաքինվում էր ծնկի վնասվածքից ու չխաղաց մինչև Լա Լիգայի երրորդ տուրը։Ռոնալդուի նպատակն է մրցաշրջանը լավ մարզավիճակում սկսելը, լավ խաղալն ու իր հինգերորդ «Ոսկե գնդակը» նվաճելու ուղղությամբ աշխատելը։Նույնիսկ Ժերար Պիկեն է խոստովանել, որ Ռոնալդուն, ամենայն հավանականությամբ, նվաճելու է պատվավոր մրցանակը Լա Լիգայում ու Չեմպիոնների լիգայում տարած հաղթանակներից հետո, բայց Ռոնալդուն գիտի, որ առաջիկա մրցաշրջանի առաջին մի քանի ամիսները ևս հաշվի են առնվելու։Բացի այդ, Ռոնալդուն իր մտքում է պահում Աշխարհի ակումբային առաջնությունը, որ կկայանա տարեվերջին, ու նա հույս ունի այդ մրցաշարին մոտենալ լավ մարզավիճակում, ինչպես նախորդ տարի, երբ հենց Ռոնալդուն հեթ-տրիկ ձևակերպեց եզրափակչում ու մրցաշարում հաղթելուց զատ արժանացավ լավագույն ֆուտբոլիտի մրցանակին։Այնուհետև, 32-ամյա պորտուգալացին մտադիր է կենտրոնանալ Իսպանիայի գավաթի խաղարկության վրա այն ժամանակ, երբ Չեմպիոնների լիգայում դադար կլինի, իսկ միջազգային հանդիպումներ չեն կայանա։Բաց թողնելով որոշ ոչ կարևոր խաղեր, հատկապես՝ արտագնա մրցավեճերը, Ռոնալդուն մտադիր է արագորեն վերականգնել ֆիզիկական վիճակը ու լիովին պատրաստ լինել մրցաշրջանի վերջնամասի կարևոր խաղերին։Աշխարհի լավագույն ֆուտբոլիստի նպատակն այն է, որ ևս մեկ անգամ հզոր վերջնամաս ցույց տա, ինչպես դա արեց ավարտված մրցաշրջանում, երբ Չեմպիոնների լիգայի քառորդ եզրափակչից սկսած 10 գոլի հեղինակ դարձավ, ինչպես նաև 6 գոլ հեղինակեց Լա Լիգայի վերջին 4 տուրերում։Կախարդական բանաձևը մեկ անգամ աշխատեց Ռոնալդուի համար ու նա հիմա հույս ունի, որ բանաձևը կշարունակի գործել։
Нет комментариев