Предыдущая публикация
#Шерият Гулшани - Аёл .....
Аёлни ўйинчоқ ўрнида билманг,
Унинг юраги бор, унинг қалби бор.
Аччиқ калом билан бағрини тилманг,
Зайифгина жонга етмасин озор!
Ичини дув тўкиб юборган тақдир,
Фақат сирти унинг ўхшар бутунга.
Озгина эътибор, озгина меҳр,
Бир оғиз ширин сўз етарли унга.
У ҳам кимга орзу, кимга ҳавасдир,
Нафсингиз йўлида айламанг қурбон!
Жимгина йиғласа, ҳеч гап эмасдир,
Аммо Худойимга йиғласа ёмон!
Гулим денг, кўзингиз қувнатсин гуллаб,
Ўзин кўз ёшига чўкмасин ўзи,
Ё севинг, ё яшанг севганга ўхшаб,
Ё ҳанжар, ё малҳам эркакнинг сўзи!
Сизга фидо жоннинг қадрига етинг,
Ишққа маҳтал қилманг, меҳрга гадо.
Юрак тегиб турган қовурғангиздан,
Аёлни севинг деб яратган Худо!
@Кўнгил_халовати
Следующая публикация
Комментарии 1