Предыдущая публикация
ФАЗЛИ ЗИКРИ АЛЛОҲ ТАЪОЛО
************************************************
Қуръони карим мефармояд
Онон ки ба ягонагии Аллоҳ имон овардаанд ва дилҳояшон ба ёди Ӯ оромиш меёбад
Огоҳ бошед ки дилҳо ба ёди Аллоҳ оромиш меёбанд
(ояти 28 -и сураи Раъд )
=====================================
(2)
Аз модари муминон Оиша (-разиаллоҳу анҳо-)-омадааст кӣ гуфт
Паёмбари акрам (-саллаллоҳу алайҳи ва саллам-)- дар ҳамаи ҳолатҳо зикри Аллоҳ таъолоро мекард
(--Саҳиҳи Муслим-)
ТАВЗЕҲ
Дар ҳама ҳолатҳо яъне рост истода ё шиштагӣ ё дар маҷлис ё дар рахти хоб
Ё дар ҳолати ҷанобат
=====================================
(3)
Паёмбари акрам ( саллаллоҳу алайҳи ва саллам) мефармояд
Беҳтарин ъамал он аст ки то охирон лаҳзаи ҳаёт забонат нарм бошад ба зикри Аллоҳ
(Саҳиҳул-ҷомеъ)
=====================================
(4)
БЕҲТАРИН ВАҚТ БАРОИ ЗИКРИ АЛЛОҲ
************* ****** *****
Имом Нававӣ (раҳимаҳуллоҳ ) гуфт
Назди гузаштагони ин уммат байни намози бомдод ва баромадани офтоб хоб рафтан макруҳ аст
Зеро ин вақти пурғанимат асту вақти фаромадани рӯзиҳо аст ва паҳн шудани баракат аст
************************************************
ТАВЗЕҲ
Саҳобагони киром (разиаллоҳу анҳум ) ба ҳеҷ ваҷҳ баъди намози бомдод то баромадани офтоб хоб намерафтанд
Ин вақт яъне пас аз намози бомдод то баромадани офтоб зикр мекарданд
Ин аз Абдуллоҳ ибни Масъуд (разиаллоҳу анҳу) собит шудааст
Чун як гурӯҳе пас аз намози бомдод ба зиёраташ рафтанду вақте дарро куфтанду ба онҳо иҷозати ворид шудан дода шуд онҳо зуд вориди хона нашуданд
Пас аз лаҳзае худи Абдуллоҳ ибни Масъуд (разиаллоҳу анҳу) баромада гуфт
Чаро вориди хона намешавед дар ҳоле ки бароятон иҷозат дода шуд
Гуфтанд гумон кардем ки шояд касе хоб бошаду нороҳаташ накунем
Гуфт оё гумон мекунед ки Ибни Умми Абд (яъне худаш) дар ғафлат аст ки дар ин вақт хоб раваад ?
(Яъне ин вақти тиллоиро вай ҳеҷ гоҳ намегузорад ки дар хоб гузарад
Балки онро дар зикр мегузаронад )
Ҳатто паёмбари акрам баъди намози бомдод дар ҷояшон нишаста то баромадани офтоб зикр мекарданд
Ва пас аз он аз масҷид берун мешуданд
=====================================
(5)
ЗИКРИ АЛЛОҲ БАДАНРО ҚУВВАТ МЕБАХШАД
************************************************
Рӯзе ба Мадинаи Мунаввара амволи зиёд ва ғулому канизи зиёде ворид шуд
Фотима аз сабаби бо осиёби дасти сару кор доштанаш дастонаш обила карда буданд
Али ( раз) гуфт
Рав назди паёмбари акрам ( саллаллоҳу алайҳи ва саллам ) шояд туро хидматгоре диҳад
Аммо Фотима ( раз) рафту паёмбари акрамро пайдо карда натавониста баргашт
Вақте он ҳазрат ( саллаллоҳу алайҳи ва саллам) шабона баргашт Оиша ( раз) ӯро хабар дод ки Фотима наздаш омада буду хидматгоре мехост
Али ( раз) мегӯяд мо дар ҷойгаҳи хоб қарор гирифта будем ки паёмбари акрам ( саллаллоҳу алайҳи ва саллам ) дарро кӯфта гуфт
Аз ҷоятон наҷунбед
Ва рост омада мобайни мо дароз кашид
Ва пас ба Фотима рӯй оварда гуфт
Духтарҷонам чигуна ман ба ту хидматгор дода метавонам ки дар масҷид даҳҳо саҳобагон бехонаву дар хоб мераванд ?
(Аҳли Суффа)
Лекин гуфт ман барои шумо зикреро меомӯзам ки агар онро ҳар шаб вақти хоб рафтан бигӯед Аллоҳ таъоло корҳоятонро осон кунад
Ва зикр ин аст
Ҳар гоҳе ба ҷойгоҳи хоб рафти
33-маротиба субҳоналлоҳ
33-маротиба алҳамдулиллоҳ
33-маротиба Аллоҳу акбар гӯй
Пас аз он ин зикрро бихон
Ло илоҳа илло Аллоҳ--ваҳдаҳу ло шарика лаҳ-'лаҳул-мулку ва лаҳул-ҳамду ва ҳува ало кулли шайин қадир
Иншоаллоҳ ҳамаи корҳоят осон мешаванд
Али ( разиаллоҳу анҳу) мегӯяд
Аз ҳамон лаҳзае ки ин дуъоро аз забони мубораки ппёмбари акрам ( саллаллоҳу алайҳи ва саллам ) гирифтаам ягон вақт аз ман нарафтааст
Гуфтанд ҳатто шабе ки ҷанги Сифин буд ?
Гуфт бале ҳатто он шаб низ ин зикрҳо аз ёди ман нарафтанд
Ин ҳадис бо шакли мухтасар дар Саҳиҳи Бухори ва Саҳиҳи Муслим омадааст
=====================================
(6)
Рабеъ ибни Анас (раҳимаҳуллоҳ) гуфт
Нишонаи дӯст доштани банда Парвардигорашро ин зиёд зикр кардани банда Парвардигорашро мебошад
Чун инсон ҳар чизеро зиёд дӯст дорад номи онро зиёд ба забон меорад
(Мадориҷ-ас-соликин-2-163)
=====================================
Следующая публикация
Комментарии 1