ШоМи🇹🇯ҒаРиБоН🇷🇺

МУҲОҶИР...

Чӣ саргардону сарсон аст, муҳоҷир,
Миёни шӯру тӯфон аст, муҳоҷир.
Худоё, дастгири ҳар ғариб бош,
Ки дар кӯи ғарибон аст, муҳоҷир.
На хоби роҳату на шодии дил,
Ҳамеша чашми гирён аст, муҳоҷир.
Надорад, ғайри ту, ё Раб, дар олам,
Ҷудо аз ёру хешон аст, муҳоҷир.
Бурун аст, дар ҳисоби зиндагонӣ,
Ба кори нобасомон аст, муҳоҷир.
Ба ҳар ҷое равад, ошуфтахотир,
Дилафгору парешон аст, муҳоҷир.

ГАР БИМИРАМ ДАР ҒАРИБӢ....

Гар бимирам, дар ғарибӣ Тоҷикистонам баред,
Бо дуои хайру бо оёти Қуръонам баред.
Кардааст, хотир парешонам ғарибӣ солҳо,
Баъди маргам сӯи хешони парешонам баред.
Ман барои ризқи поку пораи нон омадам,
Сӯи аҳли хонадон бо пораи нонам баред.
Ё ба Ҳисору Бадахшон ё Кӯҳистонам баред,
Ё ба шаҳри Душанбе ё ба Кӯлобам баред.
Ё ба шаҳри Исфара Панҷакенти бӯстонам баред,
Дар ғарибӣ ҷисму ҷонам сахт ранҷид илтимос,
Баъди маргам кунҷи хоки Тоҷикистонам баред.
Ҳар куҷое метавонедам гузоред, дар Ватан,
Гар маро инсон бидонед, Тоҷикистонам баред.

МОДАРО, ХОКИ ВАТАН ЗАРРИН АСТ!...

Ман мусофиру ғарибам Модар,
Дур аз хоки диëри хешам.
Дилам аз захми ғарибӣ дар сӯз,
Марҳаме нест, ба калби решам.
Модаро, хоки Ватан зарин аст,
Ба Худо оби Ватан ширин аст.
Аз пайи рӯзӣ ҳама сарсонем,
Гоҳ дар гармиву гаҳ сармоӣ.
Эй, Худо, кош замоне ойем,
Боз сӯи Ватани бобоӣ.
Ҳаркӣ аз хоки Ватан берун нест,
Дарди ин сина куҷо медонад.
Мо мусофиру, вале фарзандон,
Ҳолашон чист, Худо медонад.
Модаро, хоки Ватан заррин аст,
Ба Худо оби Ватан ширин аст.

АШКИ МОДАР АЗ ДАСТИ ФАРЗАНДОНИ НОХАЛАФ...

МО ЧӢ ГУНОҲЕ АНҶОМ ДОДЕМ, ЭЙ ФАРЗАНД, КИ ИМРӮЗ ҶОИ МО ХОНАИ ПИРОНСОЛОН ГАШТААСТ?...
Ашки Модарон бирезад, ногаҳон,
Арши Ҳақ бар чунбиш ояд, он замон.
Ин Модар дар хонаи пиронсолони ш. Душанбе 63 микрорайон зиндагӣ мекардааст...
....Вой бар ҳоли фарзандони нохалаф!...Охирататонро сӯзондаед бо ин амалу рафтори худ!!... Ҳаром бодо, шири сафеди МОДАР бар шумоён!...
Заҳ кашад, аз ашки Модар, пойдевори шумо, Вой, бар ҳоли шумо, бар чор девори шумо!!