Предыдущая публикация
Юзларингда ўзгача зиё,
Ром этади бир бора боқсам.
Кўзларингдан мўралар ҳаё,
Кўз узолмай кипригим қоқсам...
Сен бир нурсан мисоли малак,
Дилга малҳам ҳар бир сўзларинг.
Сенсиз гўё телбаман, ҳалак,
Узоқлашса чарос кўзларинг.
Фариштасан беозор, мунис,
Озорларга гўёки таскин.
Сен келсанг гар муаттар бир ис,
Вужудимни эгаллар секин.
Сен мағрурсан шу сабринг сабаб,
Ғанимларга қилмайсан парво.
Дард келса ҳам очмай туриб лаб,
Табассумлар этасан рова...
Сен Жаннатнинг маликасисан,
Бизчи, оддий ишқсиз бир ғулом.
Сенга етмоқ орзудир билсанг,
Нигоҳингга зордирман мудом...
Дуо қилгин, Жаннатлар аро,
Ҳеч йўқ бўлиб яшайин қўшни....
....УМИД...
#грдилУМИДижод
Следующая публикация
Нет комментариев