Предыдущая публикация
Майлими, ой чиққан шу ойдин кеча
нафас олаверсам ютиниб, хурсанд,
майлими, дунёнинг битта бурчида
мен ҳам васлингизни қўмсаб ўтирсам.
Кеча сиз ўтганда ҳарир кўйлакда
эргашган шамолнинг боши айланиб,
телбадек увиллар ҳануз йўлакда –
мен ҳам шу йўлларда юрсам майлими?!
Майлими, соғинсам ва тошса кўнглим,
йиғласам майлими, майлими кулсам?!
Ўкситмайманмикин сизни, севгилим,
агар мен шу кеча бехосдан ўлсам...
© Карим Баҳриев
1986
Присоединяйтесь к ОК, чтобы подписаться на группу и комментировать публикации.
Нет комментариев