Предыдущая публикация
Кетар йўл, туман-
Сенсизлик дунёнинг қучоғи музли.
Уйғонмоқ оғир бу йўқлик уйқудан-
Ҳамма нур тарк этди кул чўккан кўзни.
Соғинчнинг гуллари! Қоп-қора гуллар!
Гул эдинг барибир! Гул эдинг ахир!
Даҳшат сукунатда чўкди қайғулар
Боғларида гули қолмаган тақдир.
Қолдирган дунёнгда бўм-бўз кезаман,
Ҳечликнинг ичида ҳечман... Ҳечман... Ҳеч...
Жунжикиб сезаман, тўниб сезаман-
Қуёш ботиб кетди. Қуёш йўқдир. Кеч.
Усмон Азим
Присоединяйтесь к ОК, чтобы посмотреть больше фото, видео и найти новых друзей.
Нет комментариев