Тӑваттӑмӗш класра вӗренекен ача питбайкпа Ҫӗнӗ Хăйаслă урамӗ тăрăх ярӑннӑ.
Нурлатран тӑхӑр ҫулхи шкул ачи ҫак яла ашшӗ-амӑшӗпе пӗрле аслашшӗпе асламӑшӗ патне килнӗ. Ачан аллинче хӑрушӑ транспорт мӗншӗн тата мӗнле майпа пулнине тавҫӑрса илме ҫеҫ юлать. Питбайкӑн ҫула ҫитмен водителӗ ҫул-йӗр хӑрушсӑрлӑхне тивӗҫтерекен хӑвӑртлӑха суйласа илеймен, транспорта тытса чарайман пирки ДТП тунӑ.
– ДТП июлӗн 6-мӗшӗнче пулса иртрӗ. Ачан ашшӗ - амӑшӗсем Çарăмсанри ЦРБне кайнă, унта медиксем суранланнӑ ачан алли-ури тата çан-çурăмӗ нумай шӑйрӑлнине, чӗркуҫҫи сыппи тӗлӗнчи çурăлнă сурансене палăртнă, - ăнлантарса пачӗ ҫул-йӗр хӑрушсӑрлӑхӗн комиссийӗн председателӗ Станислав Зайцев. – Телее, пурте йӗркеллӗ вӗҫленчӗ, ача сывă, медиксем тӗрӗсленӗ хыҫҫӑн ӑна киле янă. Анчах çакă пысăк инкекпе вӗçленме пултарнă. Питбайк, мопед, мотоцикл туянакан ашшӗ-амӑшӗнчен ыйтас килет: нивушлӗ сирӗншӗн сирӗн ачӑрсен пурнӑҫӗ хаклӑ мар? Водитель удостоверенийӗ илмелли ҫул-йӗре саккунсемпе ахальтен палӑртман. Ача "хаклӑ тетте" туянма мӗнле ыйтсан та - "ҫук! " теме пултарăр. Транспорт инкеке лекни çурхуйхă, вӑл йӳнӗ мар пулсан та, сирӗн ачӑр пурнӑҫӗ чылай хаклӑрах, вӑл пӗрре, халӗ çакна ăнланса эсир унăн пурнăçӗпе харсăрланатăр!
Присоединяйтесь к ОК, чтобы подписаться на группу и комментировать публикации.
Нет комментариев