Федоровски поселокра вырнаçнă ватăсен интерначӗнче Фаиса Егорована 90 ҫул тултарнӑ ятпа саламларӗҫ.
Унӑн пӗтӗм пурнӑҫӗ - ӗҫченлӗх, ҫирӗплӗх тата шанăç тӗслӗхӗ.
Фаиса Романовна 1934 ҫулхи августӑн 3-мӗшӗнче Котловка ялӗнче ҫуралнӑ. Ачаллах Нурлат районӗнчи Бутаиха ялне куҫса кайнă, унта ҫемье ҫавӑрнӑ, икӗ ывӑл ҫуратнӑ. Пурнăç тăршшӗ вӑрман хатӗрлес ӗҫре вăй хунă. Йывăр ӗç ахаль иртмен, унăн сывлăхӗ çине начар витӗм кӳнӗ. Вăл - инвалид.
Ывӑлӗсем вилнӗ хыҫҫӑн Фаиса Романовна пӗччен тăрса юлнă. 2017 ҫултанпа Федоровскинчи интернатра пурӑнать .
Юбилей кунӗ ӑна район влаçӗнчен саламлама пычӗç. Культура пайне ертсе пыракан Алексей Тимирясов Фаиса Романовнӑна район пуҫлӑхӗнчен Сааламлу Çырăвӗ, чечек çыххи тата асăнмалăх парне пачӗ. Юбилей палăртакана Интернат директорӗ Надежда Никитина та ăшă сăмахпа саламларӗ.
"Фаиса Романовна, эсир нумай йывăрлăха çӗнтернӗ, парăнтарнă. Апла пулсан та, паян чун вӑйӗн чӑн тӗслӗхӗ пулса тăратăр. Эпир паян Сирӗнпе пӗрле савӑнатпӑр, Сире ҫирӗп сывлӑх, вӑрӑм ӗмӗр тата ҫутӑ кунсем ҫеҫ сунатпӑр!"
Фаиса Романовна, тимлӗ те тӑрӑшуллӑ пулнӑскер, саламланӑшӑн чунтан савăнчӗ. Унӑн пичӗ ҫинче ӑшӑ кулӑ ҫуталчӗ, куҫӗсенче-хӑйне манманшӑн тав туни палӑрчӗ.
Оценили 3 человека
Присоединяйтесь к ОК, чтобы подписаться на группу и комментировать публикации.
Нет комментариев