Людмила Жаренова
"Сэм"позывнойлă пирӗн ентеш кӗске вӑхӑтлӑха отпуска килчӗ.
Аксура пулнă кӗске кунсенче вӑл пирӗн редакцире, волонтерсем патӗнче пулса курчӗ, призывниксене ӑсатмалли чаплӑ мероприятие хутшӑнма ӗлкӗрчӗ.
Редакцие килсе кайни икӗ хут кӑмӑллӑрах пулчӗ, Айрат Самигуллин – пирӗн ӗҫтеш, Хусанти Хӗрлӗ Ялавлă Жуков орденӗллӗ аслӑ танк команднӑй училищине вӗренме кӗриччен район хаçачӗн редакцинче ӗҫлерӗ. Унтан вӗренсе тухсан вара ăна служба вырӑнне Юргин ҫар гарнизонне янă, çакăнтан вара пирӗн ентеш ятарлă çар операцин зонине тухса кайнă. Эпир Айрат таврăнасса уйрӑммӑнах ӑшшӑн кӗтетпӗр, хамӑр хӳтӗлекеншӗн кулянатпӑр, кӗлтӑватпӑр. Паттăрпа мухтанатпӑр. "Сэма"кӗске вӑхӑтрах икӗ патшалӑх наградипе –"За храбрость" тата " За отвагу"медальсемпе наградӑланӑ. Çар задачисене пурнӑҫланӑ чухне, ВСУ çарӗ персе тăнă вăхăтра танк взвочӗн командирӗ Самигуллин тӗрӗс çар тактикине суйласа илнине пула, ăна шанса панă салтаксем ҫапӑҫуран темиҫе хутчен те сывă тухса техникӑна та илсе тухнӑ.
Паян Айрат Самигуллин танк ротин командирӗ. Вӑл ятарлă çар операцинчен пӗрремӗш хут отпуска килчӗ, ӳссе ҫитӗннӗскер, хăюллăскер.
– Раҫҫей Федерацийӗн Хӗҫпӑшаллӑ вӑйӗсен Верховнӑй главнокомандующийӗ лартнӑ задачӑна пурнӑҫлатпӑр. Наступлени тӑвакан пӗр операци те танксемсӗр иртмест, тӑшман тапӑннине сирсе яратпӑр. Училищӗре илнӗ пӗлӳсем мана пурте маларах, шутламан çӗртен ытларах кирлӗ пулчӗҫ. Наукӑшӑн командирсемпе наставниксене тавтапуҫ. Унти атьсем пурте-геройсем. Манӑн пӑхӑнура ҫар ӗҫӗнче опытлӑ мобилизациленисем те пур, эпир ҫӗнтерӗве ҫывӑхлатас тесе пурне те тăвăпăр. Пирӗн професси-Тӑван Ҫӗршыва хӳтӗлесси, эпир хамӑр позицисене памастпӑр! –ҫирӗп ӗненет Айрат Самигуллин.
Редакцинче Айрат ӗҫтешӗсемпе ҫеҫ мар, Флен Зайнуллин волонтерпа та, Украинӑри граждан вӑрҫине чи малтан хутшӑнакансенчен пӗрипе аксу арçыннипе Федор Николаевпа та тӗл пулчӗ. Ентешсене мӗн ҫинчен калаҫмалли пур, вӗсене пӗр ырату – ятарлă çар операцийӗ пыни пӗрлештерт вӗт. Федор Иванович 2014 ҫулта Украинӑра пулса иртнӗ ӗҫсем мӗнле пуçланни ҫинчен, вӗсем Донбасра хӗҫпӑшаллӑ хирӗҫӳ пуҫламăшӗ пулни ҫинчен каласа пачӗ. Киеври влаҫсене хирӗҫ ҫӗкленнӗ халӑх ополченийӗ мӗнле ҫурални çинчен те вăл пӗлтерчӗ.
Флен Замильевич пуринчен те ытларах тӗл пулнӑшӑн савӑнчӗ, мӗншӗн тесен вӑл "Сэма"та, унӑн ашшӗ-амӑшне те паллать. Унтан та ытларах, шӑпах Флен Зайнуллин патне редакци урлӑ ҫар ҫынни "мавик" квадрокоптер туянса пама пулăшу ыйтнă. Зайнуллин-волонтер-матрос сӑмахсене ҫил ҫине нихҫан та пӑрахмасть! Укçа пуçтарни çинчен редакци те, Флен Замильевич хӑй те, тӑванӗсем те, пӗлӗшӗсем те пӗлтернӗ. Тӗлпулу саманчӗ тӗлне пӗтӗм укҫа-тенкӗ пуҫтарӑнман-ха, анчах укçа пуçтарас ӗç вӗçленсе пырать теме пулать.
Айрат Ҫамрӑксен центрӗнче волонтерсен штабӗнче те пулчӗ, волонтер юхӑмӗн ертӳҫипе Анатолий Скворцовпа, хӗрарӑм -волонтерсемпе паллашрӗ. Йӑла тӑрӑх вӑл Раҫҫей триколорӗ ҫине алӑ пусрӗ. Хӗрарӑмсем ӑна юратупа ҫӗленӗ футболкӑсем тата вӑрҫӑра кирлӗ берцы парнелерӗç, амӑшӗсем пек хӑйне упраса, ҫӗнтерӳпе таврӑнма сунчӗç.
Ҫак кунсенче Айратӑн ирӗксӗрех хӑйӗн ҫар чаҫне тухса каймалла пулчӗ. Тӗрӗссипе каласан, вăл заказ панӑ квадрокоптер килменшӗн пурте кӑштах пӑшӑрханчӗҫ. Анчах ӗҫе Анатолий Скворцовпа Флен Зайнуллин тытӑнсан-салтак ыйтни пурнӑҫланатех. Вӗсем заказа кӗтсе илсе ывӑлне çула ӑсатма Хусана кайнӑ хӳтӗлевçӗ амăшне "мавика" районта пурӑнакансенчен ывӑлне леҫсе пама пултарнӑ.
– Паян ятарлă çар операцин зонине хутшӑнакан мӗнпур аксу ачисене ӑшшӑпа тата тӑрӑшупа хупăрласа илнӗшӗн волонтерсен командине эпӗ питӗ тав тӑватӑп, - терӗ чунтан савăнса ыйтнине пурнăçланишӗн "Сэм" пирӗн корреспондентпа телефонпа калаҫнӑ май. – Хисеплӗ район çыннисене, редакцире пӗрле ӗҫлекенсене, Флен Замильевича, Анатолий Николаевича, тӑвансене, ҫывӑх юлташсене, мана укçа-тенкӗ енӗпе пулăшнăшăн, манӑн сӑн-питӗмпе пирӗн танк ротине те пулӑшнӑшӑн тав тӑватӑп. "Мавик" пире техникӑна хӑрушсӑрлӑхпа тӗрӗслесе тӑма, çар задачисене пурнӑҫланӑ чухне çапăçу вăхăтӗнче тӳрлетӳсем кӗртме, вырӑнти ӗҫсене тишкерме кирлӗ. Сӑмах паратӑп, ҫӗнтерӳ пирӗнте пулать!
Присоединяйтесь к ОК, чтобы подписаться на группу и комментировать публикации.
Нет комментариев