Предыдущая публикация
Аксу районӗнчи ҫулсем ҫинчи вилӗм кӑтартӑвӗсем пӗлтӗрхипе танлаштарсан ӳсрӗҫ
Ҫул-йӗр хӑрушсӑрлӑхӗн комиссийӗнче вӗренӳ учрежденийӗсен ҫывӑхӗнчи урампа ҫул-йӗр сетьне тишкерес ыйтӑва сӳтсе яврӗҫ.
Ку тӗп ыйту пулчӗ, районти ҫул-йӗр хӑрушсӑрлӑхӗн комиссийӗн председателӗн, ӗçтăвком ертӳҫин Станислав Зайцевăн критикине лекрӗ.
– Ҫуллахи каникулӑн иккӗмӗш уйӑхӗ пырать ӗнтӗ, вӗренӳ ҫулӗ – тусем хыҫӗнче мар, паянхи куна вӗренӳ учрежденийӗсене пурне те пӑхса тухман – ха, - ятларӗ комисси пайташӗсене Станислав Юрьевич. – Тӗрӗсленӗ чухне те ҫитменлӗхсем палӑраҫҫӗ – ҫул ҫинче "зебра" ҫукки, "ачасем"тесе асӑрхаттарни. Ҫу каҫиччен тӗрӗслев ӗҫӗсем вӗҫленмелле, ҫакӑн пек мероприятисене ҫӗнӗ вӗренӳ ҫулне хатӗрленнӗ тапхӑрта хастар пурнӑҫламалла.
Комисси председателӗ лайӑх динамика та палӑртрӗ – вӗренӳ организацийӗсен ҫывӑхӗнчи ҫуран ҫӳремелли сукмаксем ҫинче разметкӑна юсанӑ, Федоровский поселокӗнче, Кӳшӳ, Ҫӗнӗ Дума, Тахтала, Тутар Сӗнчел, Трудолюбово ялӗсенче шкул маршручӗсем тӑрӑх павильонсем вырнаҫтарнӑ ултӑ чарӑну площадки туса лартнӑ. Ҫавӑн пекех Аксури Толстой урамӗнчи "Солнышко" ача садӗнчен тротуар хывнӑ.
Комисси ларӑвӗнче "Я не нарушаю правила дорожного движения"çул-йӗр юхӑмӗн хӑрушсӑрлӑхӗн уйӑхлӑх шайӗнче профилактика ӗҫӗсем ҫинчен Раҫҫей ОМВДӗн Аксу районӗнчи ОГИБДД начальникӗ Нияз Гималетдинов тата шкул тулашӗнчи ӗҫ Центрӗн директорӗ Андрей Егоров отчет пачӗҫ. Уйӑх шайӗнче ҫулсем ҫинче рейд мероприятийӗсем те ирттернӗ, шкул ҫумӗнчи лагерьсенче ҫул ҫинче хӑрушсӑрлӑх йӗркелес тӗллевпе ачасемпе ҫутта кӑлармалли мероприятисем йӗркеленӗ.
БДД комисси председателӗ комисси пайташӗсене ҫул-йӗр юхӑмӗн хӑрушсӑрлӑхне ӳстермелли хушма мероприятисене пурнӑҫламалли планпа паллаштарчӗ, июнь уйӑхӗнче районта ҫулсем ҫинче ҫулталӑкри вилӗм кӑтартӑвӗнчен пысӑкрах пулнине аса илтерчӗ. Ҫулсем ҫинче авари пулнин сӑлтавӗ вӑл ҫул-йӗр юхӑмне хутшӑнакансен пӗчӗк дисциплинине, ҫул-йӗр правилисене пӑхӑнманнине, водительсемпе ҫуран ҫӳрекенсен ҫул-йӗр правилисене пӑхӑнманнине каларӗ.
Следующая публикация
Нет комментариев