Аксура 1-мӗш шкултан вӗренсе тухакансен тӗлпулӑвӗ иртрӗ.
1964 ҫулта вӗренсе тухакансен балӗ хыҫҫӑн пӗр класра вӗренекенсем пӗтӗм ҫӗршыв тăрăх вӗҫсе саланнă.
Тӑван ен яланах кашнин чӗринче юлнӑ. Шкултан вӗренсе тухакансем вӑхӑтран вӑхӑта шкул пӗтернине 10, 20, 30, 40,50 ҫул çитнине палăртма пӗтӗм ҫӗршывӗпе сапаланнӑ пулин те тӗл пулнӑ. 60 ҫул иртсессӗн вӗсем каллех тӗл пулнă. 1964 ҫулхи кӑларӑмран 24 ҫын урӑх тӗнчене кайнӑ ӗнтӗ. Тӗлпулӑва килсе курас текенсем пурте пухӑннă. Тӗлпулăва килнисен географийӗ анлă: Хабаровск, Челябинск, Пушкӑртстан, Хусан, Ҫыр Чалли. Вӗсем ҫитмӗл ҫултан иртнӗ ӗнтӗ, ӗҫ ҫулӗ хыҫалта. Александр Коробковпа Михаил Пикмуллин хăйсен пурнăçне ӗмӗр тӑршшӗпех пӗлӳ ӗçне халалланӑ, нумай çул шкул ертӳçисем пулса тăрăшнă, Любовь Петрянкина, Луиза Минхаирова, Валентина Кулькова, Галина Яковлева ача сачӗсенче воспитательсем пулса ӗҫленӗ, Галина Макарова – культура пайӗнче, Вадим Курбанов заводра цех начальникӗн çумӗ пулса ӗҫленӗ, Анастасия Уткина Хусан организацийӗнчи строительство пайне ертсе пынӑ. Нина Янилкинăн телеграфистка профессийӗ пулнӑ, унтан темиҫе ҫул хушши страховой агент пулса ӗҫленӗ. Аксура Ольга (Соснова) Стешинăна нумай ҫул хушши коммуналлӑ хуҫалӑх специалисчӗ пек пӗлеҫҫӗ. Вӑл редакцине килсе хӑйпе пӗр класра вӗренекенсем тӗл пулни ҫинчен каласа пачӗ.
Тӗлпулу чуна пырса тивекен савӑнӑҫлӑ атмосферӑра иртрӗ. Инҫетри хуласенчен килнисем Аксури улшӑнусене курса райцентрта палламалла мар илемлӗ пулнинчен питӗ тӗлӗнчӗҫ. Кунта пурӑнакансемшӗн савӑнчӗç – ҫакӑн пек илемлӗ поселокра пурӑнма питӗ кӑмӑллӑ. Ӗлӗк кӗркунне те, ҫуркунне те ҫулсем ҫинче пылчӑк пулнӑ, халӗ-брусчатка, тротуарсем, пур ҫӗрте те чечексем, фонтансем ӗҫлеҫҫӗ.
– Эпир хамӑрӑн юратнӑ учительницӑна Нина Александровна Гуляевӑна ырӑ сӑмахпа аса илтӗмӗр, - терӗ Ольга Стешина. - Класс ҫав тери шавлӑччӗ, усалччӗ. Тӗрлӗ вӑйӑсем шухӑшласа кӑлараттăмăр, халӗ ун пек вӑйӑсем вылямаҫҫӗ. Ырӑ та тӗрӗслӗхшӗн пулма вӗрентнӗшӗн, пурнӑҫра хамӑр ҫула тупма пулӑшнӑшӑн эпир вӗрентекенсене пурне те тав тӑватпӑр.
Оценили 2 человека
Показать список поделившихся
18
Оценила Лидия Пайдаркина
Авторы для вас
Скрыть
Может быть интересно
Присоединяйтесь к ОК, чтобы подписаться на группу и комментировать публикации.
Комментарии 1