Поселок варринче общество уçлăхӗн иккӗмӗш черечӗ хӑтлӑланать.
Советская, Романов урамӗсенче ӗçсем " Жилье и городская среда" наци проекчӗн федерацин "Формирования комфортной городской среды" проектăн шайӗнче пурнӑҫлаҫҫӗ.
Ӗҫсен пӗрремӗш черетне пӗлтӗр пурнӑҫларӗҫ, урама ҫуран ҫӳремелли зона илемлетрӗ – кунта тротуарсене брусчаткӑпа сарчӗҫ, хунарсем лартрӗҫ.
Хăтлăлатнă урам участокӗ райцентрӑн пӗтӗмӗшле дизайнне ӑнӑҫлӑн хутшăнса илемлетнӗ.
– Общество уҫлӑхӗсене, парксене, скверсене хӑтлӑх кӗртесси тата малалла ӗҫлесси программа шайӗнче пурнӑҫлакан тӗп тӗллев шутланать. Общество уҫлӑхӗнче ӗҫсен иккӗмӗш черечӗ тротуара хӑтлӑх кӗртме, хунарсем вырнаҫтарма тата библиотека патӗнче кану зонисене йӗркелеме палӑртнӑ – кунта тенкелсемпе пергола – уҫӑ вырӑнта кану зонине хупласа тӑракан урам конструкцийӗ вырнаҫаҫҫӗ, - ăнлантарса пачӗ инфратытӑм аталанӑвӗ енӗпе ӗҫлекен ӗçтăвком ертӳҫин ҫумӗ Илдар Ислямов. Хӑтлӑх кӗртес ӗҫе "Инкор" ООО подрядлӑ организаци йӗркелет, çак ӗçсен укҫа-тенкӗ лимичӗ 14 миллион тенкӗпе танлашать.
Паян Романовпа Советская урамсенче ӗҫсем хӗрсех пыраҫҫӗ. Кунта ҫул ҫинчи кивӗ плитасене пуҫтарнă, кивӗ асфальта хывнă, электричество кабельне вырнаҫтарма траншейӑсем чавнă. Урамсен пӗтӗмӗшле сӑн-сӑпачӗ халлӗхе улшăнни сисӗнмест-ха, анчах илемлӗ пуласса шантарать. Строительство сезонӗ пуҫланичченхинчен кунта общество уçлăхӗ чылай илӗртӳллӗрех пулӗ.
Присоединяйтесь к ОК, чтобы подписаться на группу и комментировать публикации.
Нет комментариев