Нафрат сизнинг ғамларингиз пойдевори,
Уни кўминг пойларингиз тупроғига.
Сиз илоҳий бандасисиз Худойимнинг,
Гуллар экинг тирикликнинг қирғоғида.
Омад сизнинг пешонангиз силар сабо,
Бошингизни баланд тутинг ўлкасида.
Сиз кучлисиз тоғларнида ҳайрон қилган,
Зорингиз йўқ зорларининг елкасига.
Сизни дея яратилган ҳур ҳаваслар,
Яхшиликлар чечак ёзар қалбингизда.
Бир табассум қилиб кўринг ғариб дунё.
Ватан этар кулгуларин лабингизда.
Кўзгуларнинг кўзин ёқар суратингиз,
Ҳуснингиздан доғда қолган кўкдаги моҳ,
Хақ ишқидан нафас олган сийратингиз,
Кўксингизда яшар асл каъбатуллоҳ.
Ишончингиз иморатин этиб чинор ,
Юлдуз бўлинг муҳаббатнинг самосида
Сиз биттасиз Яратганим суйган дилдор.
Такрорингиз туғилмайди дунёсида.
НИЛУФАР ТОҲИР
Присоединяйтесь к ОК, чтобы подписаться на группу и комментировать публикации.
Нет комментариев