Предыдущая публикация
☀ЯУЛЫҠ
Яулыҡ бәйләргә яратам,
Оҡшай элек-электән.
Урап бәйләйем, сөйөп тә...
Мин яулыҡҡа күнеккән.
Көҙ-ҡыштарға – шәл яулыҡтар.
Йәйгә – ап-аҡ батистан.
Француз яулыҡ... (Ы)сын ебәкте
Алам тәрән һандыҡтан.
Хәтер һандығым барлата
Яулыҡ бәйләү өлгөһөн.
Әсәй кеүек?.. Замансамы?..
Үҙемсәме?.. Кем белһен...
Эшләпә кейгән саҡ булды...
Баш биргән саҡ башлыҡҡа...
Иҫке башлыҡ ныҡ туйҙырғас,
Ҡабат ҡайттыҡ яулыҡҡа.
Яу туҡтатҡан яулыҡ бит ул!
Кем яулыҡҡа уҡ атыр?
Бөгөнгө дәһшәтте лә, бәлки,
Аҡ яулыҡтар туҡтатыр?..
...Яулыҡ бәйләргә яратам.
Был ғәҙәтем – электән.
Ҡалай бәйләһәм дә – матур:
Йән яулыҡҡа күнеккән...
Лилиә СӘҒИҘУЛЛИНА
Татарсанан Зөлфиә Ханнанова тәржемәһе
Присоединяйтесь к ОК, чтобы подписаться на группу и комментировать публикации.
Нет комментариев