Предыдущая публикация
Аё сайёд, раҳме кун, маранҷон нимҷонамро,
Пару болам бикан, аммо масӯзон ошёнамро.
Ба гардан бастаӣ чун риштаву бар пой занҷирам,
Мурувват кун, иҷозат деҳ, ки бикшоям даҳонамро.
Аё сайёд, раҳме кун, маранҷон нимҷонамро,
Пару болам бикан, аммо масӯзон ошёнамро.
Дар ин кунҷи қафас дур аз гулистон сӯхтам, мурдам,
Хабар кун, ай сабо, аз ҳоли зорам боғбонамро.
Аё сайёд, раҳме кун, маранҷон нимҷонамро,
Пару болам бикан, аммо масӯзон ошёнамро.
Зи танҳоӣ дилам хун шуд, надорам марҳами розе,
Ки бинвисад барои дӯстдорон достонамро.
Аё сайёд, раҳме кун, маранҷон нимҷонамро,
Пару болам бикан, аммо масӯзон ошёнамро.
Абулқосими ЛОҲУТӢ
Следующая публикация
Комментарии 2
Нихон дар хеш месузи алови дил надорад дуд .