Предыдущая публикация
Ҳижрон ҳоким, бу дунё,
Асли бир кам яралган.
Наҳот бир муҳаббатга,
Минг бир ҳакам яралган.
Бахт ярим, қайғу ярим,
Айт, не бекам яралган.
Наҳотки эзгуликнинг,
Кўзлари нам яралган.
Момо Ҳаво меҳридан,
Шу буюк ғам яралган.
Ғунчанинг япроғи деб,
Тонгда шабнам яралган.
Висол ҳаким дардима,
Ишқдан малҳам яралган.
Зор, бедор тунларимда,
Шеър ила шам яралган.
Ҳижрон ҳоким, бу дунё,
Асли бир кам яралган.
Наҳот бир муҳаббатга,
Минг бир ҳакам яралган.
Нурали ҚОБУЛ.
Следующая публикация
Комментарии 4