Ադրբեջանը նոր չէ չինական/ռուսական նախագծում․․․
Այդ Արևմուտքի լայն շրջանակներում էին 2020թ․ 44-օրյա պատերազմը համարում ուղղակի "մի կտոր վիճելի հողի" շուրջ կռիվ։ Իրականում, Ուկրաինայի պատերազմից հետո միայն հասկացան, թե ինչն ինչոց է․․․ "Զանգեզուրի միջանցքի" ռուս-ադրբեջանաթուրքական կոնցեպտի բացահայտումը պարզ դարձրեց, թե ինչի հանդեպ է "անտարբերություն" ցուցաբերել Թրամփի վարչակազմը ու ինչ են անում Հարավային Կովկասում Ադրբեջանի ձեռքերով․․․
Ի վերջո, պատահական չէր, որ 2020թ․ Արցախում պատերազմի կապակցությամբ ՄԱԿ ԱԽ-ում հրավիրված երկու նիստերից մեկում Չինաստանը շատ կոկիկ պաշտպանեց "տարածքային ամբողջականության սկզբունքը" ու այն շատ բուռն նիստ դարձրեց, որից հետո Շավարշ Քոչարյանն ուզում էր հայտարարության վրա վետո դնելը գցել Անգլիայի գրպանը, թեպետ հանուն արդարության, Անգլիան էլ է միշտ տարածքային ամբողջականության սկզբունքը առաջ քաշել, Հայաստանից ավել կարևորել Ադրբեջանին, բայց, ինչպես արդեն գիտենք, այդ նիստում վետոյի սպառնալիքը նրա կողմից չէր եղել․․․
Ու պատահական չէր, որ 2022թ․ սեպտեմբերի 13-ին Հայաստանի դեմ Ադրբեջանի ագրեսիայից հետո ՄԱԿ ԱԽ-ում հարցի քննարկման ժամանակ միայն Ռուսաստանի ներկայացուցիչն էր գրեթե կոչ անում բանաձև չընդունել ու չխանգարել, քանի որ հարավում ճանապարհներ են կառուցվում, որից բոլորը կօգտվեն․․․ Այլ օգնել Ռուսաստանին նոր "ճարտարապետությունը կառուցելիս․․․" Ու ես այդ օրը հենց դրա վրա ուշադրություն եմ հրավիրել․․․
Ու խոսքը Չինաստան-Պակիստան-Իրան "Մեկ ուղի մեկ գոտի" մեգանախագծի ճյուղավորումներից մեկի հանգույցի մասին է, որից մեկը Իրանով-Ադրբեջանով պետք է հասներ Սանկտ-Պետերբուրգ, մյուսը՝ Մեղրիով-Նախիջևանով-Թուրքիայով հասներ դեպի Եվրոպա․․․ Ու Ռուսաստանին պետք էր վերահսկել այդ մեծ հանգույցը՝ Մեղրիում, որտեղ բոլոր հոսքերը՝ հյուսիս-հարավ, արևելեք-արևմուտք քո վերահսկողության տակ են․․․
Ու պատահական չէ, որ այս ապրիլի 22-ին էլ Պուտինը Ալիևին տարել էր ԲԱՄ-ին նվիրված մեծարման արարողություններին, մտեղում մեծարում էր Իլհամի հորը, որ նա նման մեծ մեգապրոյկետ է կառուցել, ու այդ հանդիպումից հետո Բաքվի բռնապետը հայտարարեց, որ նոր մեգանախագծերի անակնկալներ են լինելու․․․
Այնպես որ՝ Ադրբեջան-Չինաստան ռազմավարական գործընկերության հռչակումն ընդամենը ժամանակի հարց էր։ Այո, ու Հայաստանին Արևմուտքի ցուցաբերած աջակցությունը միայն Հայաստանի ժողովրդավարական, արժեքային ու քաղաքակրթական ընդհանրության, կամ կանոնների վրա հենված գլոբալ աշխարհակարգը պաշտպանելու, ավելին՝ հայոց գեղեցիկ աչքերի հարց չէ․․․ Հայաստանն այն կետն է, որտեղ կարող են կանգնեցնել Ռուսաստանի՝ դեպի հարավ էքսպանսիան ու հաղորդակցությունը, Չինաստանի մեգանախագիծը փոխարինել Հնդկական այլընտրանքով․․․ ՕԲրայընը իր վերջին այցելության ժամանակ հենց դա է ասել․․․
Պատահական չէ նաև, որ ապրիլի 5-ին ԵՄՆ ու ԱՄՆ բարձր մակարդակով ու գրավոր աջակցություն հայտնեցին Հայաստանի Խաղաղության խաչմերուկ նախագծին․․․
Հիմա առավել քան պարզ պետք է լինի, թե ինչպես է մեր ոչ բարով դաշնակիցը նրբորեն՝ այլ դերակատարներով գործել մեր դեմ, որովհետև այդ ուղիները նրա համար ավելի թանկ են, քան Հայաստանի հետ թղթի վրա ստորագրած պարտավորությունները․․․
Այս մեծ պատկերը տեսնելուց հետո ես այլևս սկսեցի մեզ չմեղադրել 44-օրյա պատերազմի այսպիսի ելքի համար․․․ Տեկտոնական շարժերն ու մեր դեմ մոբիլիզացված ուժերը շատ մեծ էին դրանում հաղթելու համար․․․ Դրա ելքը փոխելու ստրատեգիան Հայաստանը շատ վաղուց պետք է նախաձեռնած լիներ․․․ 2020թ այլևս շատ ուշ էր․․․
Присоединяйтесь к ОК, чтобы подписаться на группу и комментировать публикации.
Комментарии 6
Չնայած, ինչից նեղանաս՝ եթե նման դաժան փորձ արեցին Արցախի վրայով, միայն թե իշխանությունը ճանկեն
TաշնակաBացիլներ
Պարզվում է՝ նա կատարողական թերթերում իր "վրիպակներն" ուղղելիս հարկ էլ չի համարում պատասխանողին տեղեկացնել, որ նյութական հետևանքներ է առաջացրել նրա համար։
Պարզվեց՝ Հայաստանում կա դատավորը, որը գտնում է, որ «Քիչ է ասել, որ իր այդ ստատուսով տիկինը վաղուց և իսպառ հեռացել է լրագրությունից, իսկ նրա ծավալած գործունեությանն ամեն անուն կարելի է տալ, բացի լրագրությունը» արտահայտությունը վիրավորանք է և պատճառում է 40,000 դրամի հոգեկան տառապանք․․․
Ամենազիլը՝ այդ դատավորը նշանակվել է Թավշյա հեղափոխությունից հետո․․․
Այո, նա կա։ Նա իրականություն է։ Նա Դանիել Մխեյանն է։
https://www.youtube.com/watch?v=ifDttiEh73I