Երբ ես ֆրանսիացի ընկերներիս, որոնք ամենավատ սցենարից էին վախենում, ասում էի, որ ես հավատում եմ ֆրանսիացիների ողջամտությանը, նրանք այնքան էլ չէին հավատում։ Նախագահ Մակրոնի կողմից խորհրդարանի լուծարումն անգամ նրա կողմնակիցների կողմից համարվում էր խիստ ռիսկային քայլ։
Սակայն սա որևէ մեկի հաղթանակ չի նշանակում։ Մելանշոնը շտապեց հաղթանակ հայտարարել, սակայն պարզվեց, որ նա էլ չունի մեծամասնություն, թեև ավելի շատ ձայն ունի, քան մյուս ուժերը։ Որևէ ուժ չունի խորհրդարանական մեծամասնություն, հետևաբար միայն միմյանցից խիստ տարբերվող օրակարգ ունեցող ուժերի կոալիցիայի միջոցով է հնարավոր վարչապետի հարցում համաձայնության հանգել։ Վարչապետ Ատտալն արդեն հայտարարել է, որ ավանդույթի և իր սկզբունքների համաձայն վաղն իր հրաժարականը կներկայացնի Նախագահ Մակրոնին, քանի որ իրենց ուժը մեծամասնություն չունի։ Խորհրդարանում դժվար է լինելու որոշումների կայացումը։
Արևելյան Եվրոպայում շունչ են քաշում։ Մարի Լը Պենի հաղթանակն այնտեղ մեծ սպառնալիք էր համարվում։ Եթե ծայրահեղ աջերի մասին ասում էին, որ ուղղակի կապ ունի Պուտինի հետ, ապա Մելանշոնն էլ հակասական համբավ ունի արտաքին քաղաքական նախասիրությունների հարցում, ինչպես օրինակ՝ նա բացասաբար է տրամադրված ԵՄ֊յան ու ՆԱՏՕ֊ի հանդեպ։ Այս պահին նա Պաղեստինի ճանաչումը հայտարարել է որպես արտաքին քաղաքական առաջնահերթություն։ Նրա քաղաքական ուժը իրենց հաջողությունը տոնելիս հարձակվում են ոստիկանների վրա։
Մեր համար պետք է նշել, որ Մելանշոնն այս տարի իր նախաձեռնությամբ այցելել է Հայաստան։ Ժողովրդական ճակատի արտաքին քաղաքական ծրագիրը ներառում է պարագրաֆ Հայաստանի ու Արցախի վերաբերյալ. «Մենք կոչ կանենք անհապաղ կասեցնել Եվրամիության և Ադրբեջանի միջև Ռազմավարական էներգետիկ գործընկերության մասին փոխըմբռնման հուշագիրը, քանի դեռ Ադրբեջանի իշխանությունները չեն հրաժարվել Հայաստանի տարածքային ամբողջականության դեմ ուղղված իրենց սպառնալիքներից։ Դեպի տևական խաղաղություն շարժվելու համար անհրաժեշտ կլինի երաշխավորել Լեռնային Ղարաբաղ ապահով վերադառնալու իրավունքը այն հայերի համար, ովքեր ցանկանում են, ինչպես նաև նրանց իրավունքներն ու ազատությունները։»
Ֆրանսիայի, ԵՄ֊ի ու մեր համար վատագույն սցենարը կանխվեց, սակայն Ֆրանսիայի քաղաքական դաշտում անորոշ ու դժվարին ժամանակներ են սպասում։
Присоединяйтесь к ОК, чтобы подписаться на группу и комментировать публикации.
Комментарии 3
Իրոք անսպասելի շրջադարձներ են լինում
Սպասենք...
Макрон какое место занимает?