ҲИДОЯТ йўлида мустаҳкам юр,
ЭРГАШГАНЛАРНИНГ озлиги зарар қилмайди.
Ботил залолатдан четда тур,
ҲАЛОКАТ аҳлининг кўплиги фойда бермайди...
Узоқ яшаб адашиб, қоқилиб, йиқилиб, ҳаётингиз ботилда тугаб кетмасин.
Сиз ҲАҚ учун яратилдингиз,
Ҳақни ва Холиқни таниб,
Унинг кўрсатмаси бўйича яшаб, ИЙМОННИ исбот қилиш учун юборилдингиз.
Ҳақда яшаш инсонга поклик беради.
Ҳақда яшаш инсонни гўзал ҳулқли қилади.
Ҳақни таниб эргашганга Аллоҳдан ҳикмат берилади.
Ҳақни таниганга ибо-ҳаё неъмати туҳфа қилинади.
Ёшлигида илм олиб,
унга амал қилиб,
Аллоҳ билан холис бўлган қулга қариганда, Аллоҳдан қурбат ва буюк маърифат берилади.
Илм ёшликда олинса, Қуръон ва Ҳадис ёд олинса гўёки тошга ўйилган нақшдай сақланади.
Йигитлик вақтида гўзал ҳаё билан зийнатланади,
Ёши катта бўлгач,
унинг ҳайбати ва ҳикмати зам-зам булоғидек серфойда бўлади.
Ўша булоққа яқин бўлганларнинг руҳлари покланади, у булоқдан сув ичганлар гўё илм шарбати билан суғорилади.
Булоқ атрофида жамланганларнинг қалблари илм боғларида қушдек парвоз қилиб, истаганча боғдаги мевалардан еб, пок сувларидан ризқланади.
Доимо ўзингизга солиҳ,
тақводор Олимлар суҳбатини лозим тутинг.
Ўзингизни залолат аҳлининг сардори билиб, ғурурда ўтгандан кўра,
Илм аҳли, тақводорлар суҳбатида ўзингизни жоҳил билиб ўтишингиз минг бора афзал.
Олим инсон қариган сари ҳаёси зиёда бўлгани каби,
Жоҳил инсон қариган сари дунёга ҳирси ошиб боради.
ҲАҚҚА эргашганларнинг Аллоҳ нурини зиёда қилса,
БОТИЛ аҳлининг куфри, инкорини зиёда Ёшлигида илм олиб,
унга амал қилиб,
Аллоҳ билан холис бўлган қулга қариганда, Аллоҳдан қурбат ва буюк маърифат берилади..
Холис қулларининг ҳурмати ошса,
Жоҳил қулларга нафрат ошади.
ҲАҚДА туринг,
ҲАҚНИ айтинг,
ҲАҚНИ Ўзи сизни қўллайди.
ҲАҚДАН юз ўгирганларни Аллоҳ шу дунёнинг ўзида хорлайди.
Қанча қарилар бор,қалби тоатга бурилади,
Қанча қарилар бор, улар фаҳшга қайрилади.
Покликни танланг поклар сафига қўшиласиз,
Залолат аҳли билан, расво ҳаётда ғарқ бўлиб ўласиз.
Илмсиз тақвосиз жоҳил эркак,
ўз келинига шахват билан қарайди,
Бир оёғини гўр тортсада, Аллоҳнинг қонунларига, нафрат билан қарайди.
Жоҳил бўлманг, жоҳил яшаб жоҳил ўлманг, фурсатингиз оз қолмоқда, ғофил қолманг.
Присоединяйтесь к ОК, чтобы подписаться на группу и комментировать публикации.
Комментарии 1