Оиша разияллоҳу анҳо Расулуллоҳ саллаллоҳу алайҳи ва салламдан қарздан кўп паноҳ тилашларининг сабабини сўраганида, у зот: «Одам қарздор бўлиб қолса, ёлғон гапирадиган ва ваъдасига хилоф қиладиган бўлиб қолиши мумкин», деб жавоб бердилар.
Мусулмон киши одамлар ҳақларини эгаларига қайтариб, шу дунёда қутулиб олишга ҳаракат қилиши зарур, токи қиёмат куни мол-мулк билан эмас, балки савоб ва гуноҳлар билан ҳисоб-китоб бўладиган кунда хасрат чекиб қолмасин. Бу дунёда қарз олиб, қайтармай еб кетган одам қиёмат куни савобларини бериш билан қарзини ҳақдорга тўлайди. Савоби бўлмаса, унинг гуноҳлари бунга юкланади. Қарз масаласи шундай жиддий ва оғир масаладир.
Камбағаллик катта синов, имтиҳон. Одамлар қўлига қараб қолиш, уларга муҳтож бўлиш ёмон ҳолат. Бундан-да ёмони қалб камбағаллиги, маънавий фақирлик. Қайси бир одам қалб камбағаллигига дучор бўлган бўлса, азоб ичида яшайди. Чунки у қаноат қилмайди, чўнтагида пули кўп, лекин кўзи оч, қаноат йўқ. Мол-дунёси кўпайган сари очкўзлиги ҳам ортиб боради, кўпайган сари, камдек туюлаверади, қаноат йўқлиги учун азобда яшайди.
Рўзғорига етарли маош олиб, қаноат билан яшайдиган одам миллион пули бўлса ҳам қаноати бўлмаган, қалби фақир, кўзи оч одамдан кўра саодатда ва роҳатда яшайди. Шунинг учун нафс бойлиги мақтовга лойиқ сифат бўлиб, мусулмон одам шу сифатга эга бўлишга интилиши керак.
@oxirathovlisi
Присоединяйтесь к ОК, чтобы подписаться на группу и комментировать публикации.
Нет комментариев