4 - БӨЛҮМ
— Гүлсүнай, — Чынгыз аны таңгала карады.
- Ооба, аял деген кандай амалдуу экенин
билбейсиңер.
- Тамаша, келгиле эми шашлыктан
жейли, — деп Алмаз датсорконго колуна
созду, ал Гүлсүнайдын тамашалап же
чындап айтып жатканына түшүнбөй:
“Кызык го, мостоюп туруп айтканына
караганда чындап айтып жатканыбы”,
- деп ойлонуп жаткан эле. Гүлсунай бир
аздан соң каткырып ийди:
– Кандай абалда калдыңар, ушинтип эле
заматта баарын жасаса болот бекен?
- Жинди, - деп жиберди Чынгыз, - Ой чын
эле аялдардын амалы кырк эшекке жүк
болот экен да.
- Койгула эмесе, тамашаны коюп келечек
жөнүндө сүйлөшөлү, - Кандай дейсин?
- Мен макулмун, - Айпери Алмаздын
колун кармап өйдө болду да жетелешип
басып кеткенде Чынгыз Гүлсунайды
колдон алды:
- Жүру жаным, биз дагы өзүбүзчө
кыялданып келели.
· Жарайт, – Гүлсүнай жылмая аны менен
кетти, Артиз менен Марина бири-бирин
карап жылмайып калды:
— Биз каякка барабыз? - деди Артиз.
— Ушул жерде деле кыялданса болот.
– Туура, биз бул жерден эле кыялды ишке
ашыра беребиз, Марина капа эмессинби?
- Эмнеге?
— Шашылыш чечим чыгарып ата-энемди
ээрчитип барганга.
– Жо-ок, бирок келечек тагдырды
тобокелге салганыбыз болбоду
- Ошондой болуп калды, - Ойлуу кыздын
жүзүнө тигилди, – Марина, мага көз
карашың кандай, эгерде бири-бирибизди
түшүнүшө албасак кеч боло электе
токтотсок кандай дейсиң?
– Мен билбейм, али дагы ишенип-ишенбей
турам, чынында алды жагыбызда кандай
тагдыр күтүп турганын билбейбиз да, ал
үчүн бири-бирибизди көбүрөөк билүүбүз
керек Артиз.
- Эң туура, бири-бирибизди билуубуз
зарыл.
– Мурда сүйлөшүп көрдүң беле Артиз?
– Эмне, аа-а жок-жок, кыз жандап
көрбөгөнмүн, классташ кыздар менен эле
сүйлөшкөнмүн болбосо... А сенчи Марина?
– Сүйлөшкөнмүн, бирок сүйүү болгон эмес,
дос болуп журдук.
. Ал каякта азыр?
– Америкада.
- OKyn KeTKeнби?
- Ооба.
— Балким ал сүйгөндүр сени.
— Билбейм, мен аны сүйгөн эмесмин.
– Кантип билдиң?
– Сезем, эгерде мен аны сүйсөм
сагынмакмын.
· Мен сени сүйүп калдым десем
ишенесиңби?
– Жок, анткени бул аз убакытта мүмкүн
эмес.
– Бир көз карашта сүйүп калуу мүмкүн
дешет го?
- Мен ишенбейм.
— Анда неге макул болдуң?
— Айпери үчүн.
- Эмне?!
- Ооба, ал менден суранды.
- Демек, - Артиз туруп
аркы-терки басты, – Мындай болбойт,
зордоо менин хоббим эмес Марина,
ушундайда ачык айтып токтотуу керек.
- Дагы бир ай бар эмеспи, балким
бири-бирибизге көнүп кетээрбиз.
- Антип өзүбүздү алдаганда эмне.
— Артиз, — Марина анын жанына келди.
— Айта бер.
– Мага сен жагасың.
- Эмне? – Артиз бери бурулуп аны
карады.
– Ооба, чынында сени жактырып
калгандаймын.
— Ишенбейм, эми эле мага ишенбейм
дебедиң беле?
· Кыз балага жакшы көргөнүн билдирүү
өтө уят иш, айтуу оозго келбейт.
— Демек менин сүйүүмдү кабыл
аласыңбы? – Артиз аны эки карыдан ала
көзүнө карады, – Менин тагдырлашым
болууга макулсуңбу?
- Макул маун.
— Алтышка, — Артиз кызды бооруна
кысты, аларды алыстан карап турушкан
Алмаз менен Айпери, Чынгыз менен
Гүлсүнай алакандарын чапкылап
каткыра кырдан түшүп келишти:
- Салам сүйүшкөндөрге!
— Куттуктайбыз!
- Азаматтар, биздин үмүтту актадынар.
– Силер эмне аңдып турдуңарбы? –
деди Артиз суйункуребей.
– Силерди жакшылап сүйлөшсүн дедик,
— деп Айпери бөлөсүн чопулдата өөп-өөп
алды.
- Балдар, кыздар, - деди Артиз
маанилүү сөз атчыдааларды карап,
Биз Марина экөөбүз силер ойлогондой
эмес, биротоло коштошуп жатканбыз...
- Эмне-е?
— Ыя?
- Эмне дедиң?
– Кызык го? - дешип төртөө делдээ
туруп калышты.
– Ооба, тереңдеп кете электе токтотууну
туура көрдүк.
— Биз бири-бирибизди биле албайт
экенбиз, — деди Марина улутуна.
- Жинди болбогулачы, таежемдер эмне
дейт, тойго даярдык көрүлүп жатпайбы?
— Айпери чыйпылыктап жатты.
– Баарынан дагы силер үйлөнсөңөр
болду, биз тойго жөн гана конок катары
катышабыз, – деди Артиз мостое.
– Жо-ок жок досум, мунуңар болбойт, сен
сөз бербедиң беле Артиз?
– Кыз сүйбөсө албайм да балдар, мени
дагы түшүнгүлө да.
- Ооба, ушундайда бирге боло албаган
соң өз жолубуз менен болгонубуз оң.
- Эмне деп жатасыңар деги, түшүнсөм
буйрубасын, - Алмаз башын чеңгелдей
аркы-терки басты, — Аяш атамдар эмне
дейт эми?
– Аларга азыр айтпай эле туралы,
болбосо мени атам инвалид кылып коет,
- деди Артиз.
- Жарайт, бирок өзүңөр жооп бересиңер
жарайбы?
- Жарайт-жарайт достор, Маринаны
кыйнаганда эмне, – деп Атиз аларга
байкатпай көзүн кысып койду Маринага.
Ошентип алар тымызын жолугушуп
жүрүп убакыт өтө берди, Марина ага:
— Эмнеге аларга
- sezimder20 2)чындыкты айтпадың?-
деди жылмая.
– Аларга сонун сюрприз кылабыз
жаным.
- шок болушат го?
— Ошентсин, биздин сүйүүбүзгө ишене
албай калышты алар.
— Айпери мага капа, таежемдер
камынып жатышат, апамдар болуп, эки
кыздын себин даярдашты айт, - Күлүп
калды.
– Мейли, Айпери таарына турсун,
чындыкты билгенде андан бетер
таарынат.
– Ал күнү каттоодо кантебиз, жолугуп
калсакчы?
- жолуга тypгaн болуп сүйлөшүп
коебуз.
- Макул анда.
– Марина, мен сени сүйүп бара жатам.
– Мен дагы.
– Чынымды айтсам биринчи эле
көргөндө меники болоорунду билгерма.
- Чынбы? - Наздана карап жигиттин
көкүрөгүнө башын жөлөдү.
– Жалган айтмак белем анан.
– Мен деле ошондо сезгенмин.
Буйруса бактылуу болобуз, - деп Артиз
кызды акырын өзүнө тарта кысып койду.
Үйлөнөөр күнү Артиз ЗАКСтагыларга
эскертип саатын жылдырып койгон,
ЗАКСтан чыккан соң экөө билинбей эле
алардын жанында жүрүп жок болуп
кеткенде:
- Алмаз, Марина менен Артиз кайда
кетип калды? - деди Айпери.
– Алар ушул жерде эмес беле?
— Таппай калдым, коноктор келе
баштады, — Ошол кезде той алып
баруучу жаштарды чакырды, Чынгыз
менен Гүлсүнай, Алмаз менен Айпери
келип туруп калганда:
— Нурзатов Артизбек менен Атаева
Марина! — дегенде Чынгыз, Алмаз,
Айперилер таңгала карап калышты.
— Эмне, алар дагы үйлөнүшөбү? – деди
Алмаз.
— Билбейм, — Айпери ийин куушурду.
— Кызык го, бизди алдашкан окшойт, –
деди Чынгыз.
- Балким сюрприз кылгысы келгендир,
– деди Гүлсүнай, аңгыча экөө
колтукташа басып келе жатканын көрүп
жалдырап калышты. Бажырая жүздөрү
жаркылдап келип катарына туруп
калганда Алмаз.
— Эй алдамчылар, – деди күлүмсүрөп
Муштумун туйе.
– Бул үчүн жооп бересиңер, деди
Чынгыз дагы күлө карап.
- Сюрприз кылсак дагы болбойбу? - деп
кулду Артиз.
— Ой бир ай бою силерди ойлонуп жаман
болбодукпу? — деп Айпери шыбырай
бөлөсүн түрттү.
– Мына, эми чогуубуз, – Марина
кулуп койду, ошентип уч дос бирдей
үйлөндү, бирок убакыт деген тез эле өтө
берет эмеспи, Айпери менен Марина
кош бойлуу, алты айга карап калган,
Гүлсүнaйдын боюна боло элек. Бирдей
убакытта балалуу болобуз деген жаштар
аларды тамашалап калышат, Чынгыз
ызаланып кээде Гүлсүнайга:
– Гүлсүн, биз качан балалуу болобуз? -
дечү болду, анда ал:
шашылба, кудайым буйруган күнү, -
деп коет.
- Алмаздар уч айдан кийин
уулдуу болушат, биз дагы балалуу болсок
жакшы болот эле,
деди кучактап
жатып.
- Мен кайдан билем, балким болуп
калаар. -- Эртерээк эле болсо экен
жаным.
— Кудай буйруса болот.
- Чынында биз бири-бирибизди катуу
сүйдүк, Алмаз ата-энеси тапканга
үйлөндү, Артиз дагы капыстан үйлөндү,
биздин сүйүүбүздөн данек өсүп чыкса
кандай жакшы ээ жаным.
Ананчы, -Гулсунай ага тигилди, -
Досторуң сага жол берээрин билгенмин.
- Эмнени?
- Үчөөңөрдүн катыӊарды айтам.
– Биз экенибизди кайдан билдиң?
– Кол жазмаңардан эле тааныгам.
- Койчу, ошону ойлобоптурбуз.
– Чыныгы дос экениңерге көзүм жетти.
- Ооба, мен дагы алар үчүн даяр элем,
бирок алар мага бут тосушкан жок.
— Азаматтар, – деп көзүн жумуп алды
Гүлсүнай. Анын ата-энеси себин жакшы
бере алган жок, Сайра уулуна капаланып
жүрдү көпкө чейин, аны Канатбек тыят,
Чынгыз болсо моюн бербей сүйрөөрүн
айтып басып кетет.
— Толгон кыздан ушуну таап алыптыр,
жуксуз немелерге жолуктук, чеке тердеп
деле чай ичише турган адамдар эмес
экен.
— Ой болбодубу эми, балаң сүйөм-күйөм
деп жатса биз эмне кыла алабыз?
- Ошондо деле ойлонбойбу ыя, же бир
окуган окуусу жок, жылаңач жабык,
ачка ток жүрүп өскөн немени төрүбүзгө
талтайтып эрке келин кылып алдык.
- Бечара болсо эмне, анын деле жакшы
жашоого, бактылуу болууга акысы
бар, колунда жок деп жигит карабай
кетмекпи, сүйүү деген жүрөк иши
байбиче, келиним дурус эле, угуп калса
капа болот, минтпей жүр, – деп Канатбек
аялын тыя сүйлөдү, – Балаң дагы капа
болуп жүрбөсүн.
— Болсо боло берсин, көрбөйбү Алмаз
менен Артиздерди, ал министрге күйө
болуп калды, алардан уялып зорго
жүрөм, Нуртаздар менен Суран сыяктуу
бардар үй-бүлөөгө куда болуп төрүндө
отурсак болот беле?
— Болду дейм эми, балдар угуп калат.
— Эмне мен ошол шалп этек кудагыйга
тең бекенмин?
- Ой кудай урган, сен мындай эмес элең,
деги акыл-эсин ордундабы?
- Мени жинди болуп калды, — деп
жатасынбы?
– Жо-ок, болду да эми.
— Апа, эмне болуп жатасыз? - Чынгыз
чыга калды, Гүлсүнай сыртта жүргөн.
— Алат десе эле жуксуз бирөөнүн кызын
жетелеп келгениң эмнең ыя?
- Мен Гулсунайды суйем.
– Сүйбөй сүмүрөн кал, биз эмне Нуртаз
сыяктуу жакшылардын төрүндө отурсак
жарашпайбы ыя, сүйөм-күйөм, – деп
кайдагы бир жок
жардыга тең кылдың,
Тынар менен Нурипага окшоп керилтип
үйгө чакырып, биз аларга барсак кандай
бакыт болот эле, шүмүрөйтүп кайдагы
немени төрүмө чакыргым да келбейт.
– Апа, Гүлсүн угуп калса капа болот,
төркүлөй албай ата-энесин сагынып
жүрөт, болдучу эми, – деп кайра чыкты,
Гүлсүнай кирип келе жаткан, – Гүлсүн,
экөөбүз Алмаздыкына барып келеличи,
— деди аны алаксытып, апасынын кебин
угузгусу келбей.
Гулсунай баарын уккан, бирок токтоолук
кылып билмексенге салды.
– Кечки тамакка камынам, эртең
баралы.
– Апам өзү жасайт, али жапжаш эмеспи.
— Болбойт, келин болгондон кийин өз
милдетимди аткарышып
ек.
- Койчу эми көктүк кылбай, бир аз
сейилдеп келели,
бара жатканда:
деп ичкери кирип
– Тим эле кожонун кызындай керилет,
өзүн укмуш сезет окшойт, жанагы бака
баштуу балаңдын кылганы, толгон
кыздан ушуну тандап, — деген Сайранын
үнү угулду.
– Бас үйгө кирип кийинип чыгалы, -
деп Чынгыз аны ички бөлмөгө киргизип
кетти.
– Чынгыз, сен туура эмес кылдың
окшойт.
– Неге, мен өзүмдүн кылганыма
өкүнбөйм.
- Мен ата-энеңе жакпадым, ата-энемдин
колунда жоктугуна күнөөлүүмүн Чынгыз,
минтип отурсак көпкө жашай албайбыз.
- Эмнеге, баары жайында болот, апам
акыры түшүнөт да.
– Жок, мен эми тура албайм, кетем
үйүмө.
- Гүлсүн.
– Сүйлөбө Чынгыз, келгенимден бери
далай сөз уктум, ооз ачпадым, кайым
айтышып сөз кайрыбадым, анткени
ата-энем улууларга каяша кылба, — деп
үйреткен.
– Сага рахмат Гүлсүн, апам үчүн мени
кечир, апам сени түшүнөт, кетем дебечи
Гүлсүн, – Чынгыз жалдырай анын
колунан жыйнап жаткан кийимдерин
алып ары койду, – Мен сени кетирбейм
жаным.
— Ушундай кантип жашоо болсун? –
Гүлсүнай бышактап ыйлап жатты.
– Баары ордуна келет алтыным,
Келинчегин өөп сооротуп отургузду,
көрөсүң го, апам баары бир сени
түшүнөт, анан жакшы болуп кетесиңер.
- Билбейм, мени өмүрү түшүнбейт го?
– Түшүнөт алтыным.
— Үйгө кирсең чыгышың кыйын да, тур
чыгып тамак жаса, деп Сайра баш
бакты.
– Азыр апа.
— Ашый апа деп коет, — Сайра силкине
кайра кетип калды. Ошентип убакыт өтө
берди, Гулсунай Сайранын ызгаарына
чыдай албай кетип калган, Чынгыз анын
үйүнө тез-тез бара берет, Алмаз менен
Артизге жолугуп дагы сырын айтып
көпкө отурат, бүгүн дагы үчөө бирге
отурушат:
– Эми Гүлсүнай менен ажырашасынбы? - деди Артиз.
Уландысы бар...
КЛАСС БАСА КЕТИНИЗДЕР...
Присоединяйтесь к ОК, чтобы подписаться на группу и комментировать публикации.
Комментарии 5