Предыдущая публикация
Ամեն մի նոր օր մի փորձություն է բոլորիս կյանքում,
Պետք է պայքարել ու առաջ նայել՝ չլինել տրտում,
Պետք չի վերհիշել անցյալում եղած անմիտ սխալներ,
Պայքարենք` ժպտալ ու պարզ ճակատով միշտ առաջ քայլել։
Ամեն մայրամուտ ունի մի թախիծ բոլորիս համար,
Ամեն բարձ կզգա դառը արցունքով կազմված կամար,
Ամեն մեկն ունի իր պատմությունը անցյալի էջից,
Հարազատ տողեր, թեկուզ շատ օտար՝ հեռավոր գրքից։
Ամեն մի գիշեր ,մի խորհրդավոր տխրություն ունի,
Երբ, որ հոգնատենջ գլուխդ սիրով կդնես բարձի,
Քեզ կթվա, թե շուտ քնելու ես՝ վայրկյաններ չանցած,
Բայց մտքերիդ հետ մեկ էլ տեսնում ես` ա՜յ քեզ լուսաբաց։
Ամեն մեկն ունի անցյալի հուշեր, որ չի մոռացվում,
Տխուր էջերին հաճախ շատ մարդիկ գերի են դառնում,
Բայց ասե՛ք մարդիկ, եթե չլիներ փորձ ու փորձություն,
Այդ ո՞ր մեկս էր ապագան արդեն անթերի գծում ։Ս,Ազիզյան
Следующая публикация
Нет комментариев