Предыдущая публикация
Մարդիկ տարբեր են՝
Հարազատ, անգին,
Ինչպես զարդերը
Ոսկե սնդուկի:
Եվ մարդիկ փոքր են
Ու հոգով ճղճիմ՝
Ինչպես հուլունքը,
Որ հեշտ կկորի:
Եվ այդ մարդիկ էլ
Հուլունքի նման
Մի օր կը ընկնեն
Հատակին կյանքի:
Մի օր կկորեն
Անդարձ ու անձայն,
Եվ նրանց մասին
Ոչ ոք չի հիշի:
Մարդի՛կ, մի եղեք`
Մանր հուլունքներ,
Եղեք թանկագին,
Ոսկի ու ազնիվ:
Եղեք այնպիսին,
Որ ձեր փոխարեն
Երբեք և ոչ ոք
Լինել չփորձի:
Եղեք այնպիսին,
Որ չփորձեն էլ
Ձեզ փոխարինել:
Եղեք միակը
Ու անկրկնելին:
Եղեք այնպիսին,
Որ չմոռանան,
Որ ձեզ միշտ հիշեն,
Ձեզնով հիանան:
Ձեզ միշտ վստահեն
Ու ձեր բացը զգան:
Հոգով թանկ եղեք`
Ու չէժանանաք`
Եվ հուլունքի պես,
Պետք չէ մանրանաք:
Նաիրի Հակոբջանյան
Следующая публикация
Нет комментариев