Журнал "Казан утлары"

Олпат әдип, легендар Нәби Дәүли сине ресторанга чакырып торсын әле. Кырык эшеңне кырык якка ташлап барырсың. ЭмЦының, ягъни Яшьләр үзәге ресторанының да дәрәҗәле чагы. Киттек! УКЫГЫЗ: https://kazanutlary.ru/news/hikaya/nbi-dli-yoz-kyzarta

Балачагым синдә үтте, Ерак калды арасы. Бик бәхетле була идек, Булса ипи карасы. Яшьлегем дә синдә узды, Әй ике тау арасы. Елга кебек ага гомер, Барасы да барасы. Читләшсәң дус-туганнан, Ерагая арасы. Үз итсәң якыннарыңны, Якыная арасы. Әй ике тау арасы. Сикәлтәле кыйгач юлдан Барасы да барасы... Әйтче, тавым, миңа тагын Күпме калды барасы? Нурислам ГАЛИЕВ.

...Сизенүем дөрескә чыкты. Февраль урталарында мине подразделениенең комсомол секретаре итеп сайлап куйдылар. Моңа кадәр бу вазифаны контракт буенча хезмәт итүче бер сержант җәмәгатьчелек тәртибендә алып бара иде. УКЫГЫЗ: https://kazanutlary.ru/news/bayan/sary-kaesh-billrd-dvamy-13

Җирсеп яшим мин, каңгырып, Сагышымны куандырып, Чит-ят җирдә меңнәр кебек. Киенгән дә тоташ актан, Хәтер булып балачактан Урап кайткан көннәр үбеп Туймый һаман чәчләремне. Шуңа күңел – чәчәгемме, Кабатлыйсың, имнәр сибеп: – Туган якның кары кайнар, Ташы да, – дип, – мендәр кебек. Кушылалар, гөр-гөр килеп, Күгәрченнәр, мин кайчандыр Көлә-көлә җимнәр сипкән. Инде язмыш күзләремә Һич уңмаслык сагыш чиккән. Меңнәр алар, тамырларын Җирсеп читтә газап чиккән. Үз-үземне өнәмичә Чит-ят күреп, гүя читтән Карап торам соңгы чиктән. Үткәннәрем күптән үткән, Кайтмас инде урап бүтән. ...Авып төште күкрәгемә Әтәч кунган иске читән... Айрат Суфиянов

Моннан егерме еллап элек әти-әниләре каргышыннан куркыпмы, бәлки, авылның гайбәтче теленнән гарык булыптыр, дөресрәге, кеше чәйнәвеннән туеп бугай, авылдан җәяүләп чыгып качкан иде алар. Зөфәре ул чакта яңа гына унынчы сыйныфны тәмамлый язган, Фәйрүзә исә, яше утыздан авышуга карамастан, кап-кара чәчле, дәрт-дәрманлы яшь хатын иде... УКЫГЫЗ: https://kazanutlary.ru/news/hikaya/parly-biyu-novella

Җиргә никтер көлеп туылмаган, Туылмаган никтер елмаеп. Төргәк итеп күкрәгенә кысып, Көен сузган әнкәй, моңаеп. Тәпи китү белән сикергәнбез Сиртмә караваттан түшәмгә; Авыртса да, курыкмаганбыз бит Идәнгә үк килеп төшәргә. Койма башы, агач очларына Бер сикерү белән менелгән. Йолдызларны алып бирер булдык Сөйгән ярга Оҗмах күгеннән. Ә учларга акча килеп кергәч, Биек-биек өйләр салынган. Очкычларда, болытларны ертып, Күктә буразналар ярылган. И, ярата кеше бөеклекне, Өстен булып башка кешедән... Мәңгелеккә килмәгәнен җиргә Ул нигәдер соңлап төшенә. Безне монда көтеп торганнармы? Онытабыз елап туганны. Күпме генә биек сикерсәк тә, Без – галәмнең бары тузаны… Зөһрә

Туфан абый: “Улым, син унҗиде яшьтә гаиләдә ир белән хатын мөнәсәбәте турында нинди тәҗрибәдән чыгып язасың?” – дип кызартты. Аннан: “Ничә язган пьесаң бар? Пьесаңны озак язасыңмы?” – ди. Илгиз: “Айга – утызны!”, – дип ычкындырды. УКЫГЫЗ: https://kazanutlary.ru/news/publitsistika/cynlap-ta-kaia-bara-son-tatar-adabiiaty-davamy

Көтмәгәндә, арттан пычак кебек, Ак җәймәгә гүя кара корт... Дус, дип йөрдем, дус, дип уйлый идем, Ышанасы килми: «Син дә, Брут?!.» Дошман – явыз, аның күңел кара, Кулы керле, җаны – үчендә! Дошман ачык, аннан качып була, Яки көтеп була – Әзерләнеп була һөҗүмгә, Йә булмаса солых төзеп була, Һәр якка да кирәк өченгә. Горурланып, кадереңне белеп, «Дус», дип йөрдем, – галәм танысын! Берни әйтми, бер кылыгың белән Урынына куйдың барысын. Өлешеңә кермәдем дә кебек, Булдым һәрчак якты теләктә. Дус куллары хәнҗәр батырдылар Ак перчатка киеп йөрәккә. Күпме күңел кайту. Бинахакка Азмы яңаклады бу язмыш... Бөтен нәрсә үтә, бу да үтәр, Тантанада бары – яңарыш, Дуслык кайтмас, шунысы аяныч! Халисә Мөдәррисова

Күз алдыгызга гына китерегез: шәһәр кулга бәйләгән богауларны беренче мәртәбә җимереп, болыннарның иркен кочагына чыгасың. Өйдән берничә йөз чакрым читтә җанга якын булып тоелган «берәүне» ялгыш кына күреп аласың һәм, тормышның моңа кадәр миллион еллар элек кабул ителгән гадәти кануннарына берсүзсез буйсынып, чын-чынлап гашыйк буласың. Һәм син аны кабат очратырга әзер. УКЫГЫЗ: https://kazanutlary.ru/news/povest/caclaren-da-somyrt-ise-povestnyn-davamy

Мин моны нәрсә өчен язам соң? Соңгы 20 елларда нәкъ минем кебек юл үтүчеләр һәм игътибар булмау аркасында югалганнарның бик күп икәнен яхшы беләм. Буш сүзләрдә гаепләмәсеннәр өчен, югарыда язылганнарга дәлил итеп мисалларны үз тормышымнан гына китерергә булдым. УКЫГЫЗ: https://kazanutlary.ru/news/publitsistika/cynlap-ta-kaia-bara-son-tatar-adabiiaty