Вучоныя сцвярджаюць, што назва паселішча пайшла ад наймення возера і звязана з вядомай рыбай сом, якая спрадвеку вадзілася тут. А тапанімісты увогуле лічаць, што назва возера не столькі славянская, колькі балцкая. Бо па-літоўску "сом" – samas, а па-латышску soms. Выходзіць, што некалі тут жылі балцкія плямёны. Магчыма, і так.
У пісьмовых крыніцах вёска Соміна ўпершыню згадваецца пры апісанні пушчы Вядскай у 1559 г. Паводле «Лясной уставы», прынятай 27 лютага 1567 г., вызначаліся абавязкі ляснічых на ахове лесу і лясных угоддзяў. Устава абавязвала іх сачыць за тым, каб ніякай «шкоды у зверы, бортным ці іншым дрэве не было». Сомінцы – спрадвечныя бортнікі, пчаляры і, вядома, рыбакі.
Па матэрыялах кнігі Алеся Зайкі «Населеныя пункты Івацэвіччыны».
Присоединяйтесь к ОК, чтобы подписаться на группу и комментировать публикации.
Комментарии 3