Тюрюш!

4 ноябрь – Халыклар бердәмлеге көне

Бердәмлектә безнең көч!
Ушым китә туган авылыма,
Тату булган аның халкына!
Бер-берсе өчен өзелеп тора,
Йөрәкләре аның талпына!
Кемдер оста кулы белән
Ватылганны яхшы төзәтә,
Ә кемдер чын күңелдән
Матди ярдәмнәрен күрсәтә!
Кемдер җылы сүзе белән
Рухи көчен бирә яшәргә,
Юлга төшкән авыр киртәләрне
Абынмыйча атлап үтәргә!
Туган иле өчен үзен жәлләми,
Хәер вә сәдакасын сала!
Бердәмлеге ныклы булганга
Дошманның җанын ала!
Бердәмлектәдер безнең көч,
Шулай без ныклы булыйк!
Тыныч тормыш бирсен Ходай,
Бәхет-шатлыкка тулыйк!!!
04.11.2024. Ильфат Гатауллин

28 октябрь- Картәниләр һәм картәтиләр көне

Бүген без иң кадерле булган якыннарыбызны – картинәйләр һәм картәтәйләрне котлыйбыз. Алардагы җылылык, оныкларына карата ярату хисе, кайгыртучанлык безгә дә күчсен иде. Бүген генә түгел, гомумән, кадер-хөрмәткә лаек бит алар. Аларга сәламәтлек, озын гомер, беркайчан да боекмауларын, ялгызлыкта яшәмәүләрен телибез.

20 октябрь-Әтиләр көне

Әтиләр көне - тормышыгыздагы иң мөһим кешегә мәхәббәтегезне һәм рәхмәтегезне белдерү өчен иң яхшы вакыйга.
Хөрмәтле әти ир-егетләребез! Сезне барыгызны да әтиләр көне белән тәбрик итәбез.Саулыгыгыз ныклы, тормышыгыз рәхәт, хәләл жефетләрегез тыңлаулы ,балаларыгыз санлаулы, оныкларыгыз сөйдергеч, киленнәрегез нурлы, кияүләрегез юмарт, ашыгыз кайнар, чәегез тәмле, телевизорыгыз "Алисалы",диван нарыгыз уңайлы, банк картагыз акчалы, өй артыгыз бакчалы, малларыгыз симез, күршеләрегез әйбәт, өегез жылы, машинагыз көйле, кышларыгыз жылы, илләребез тыныч, кукләребез аяз булсын!

Хөрмәтле агросәнәгать комплексы хезмәтчәннәре, авыл хуҗалыгы тармагы ветераннары!

Сезне һөнәри бәйрәмегез - авыл хуҗалыгы һәм эшкәртү сәнәгате хезмәтчәннәре көне белән ихлас котлыйбыз.
Зур тырышлык һәм көч таләп итүче хезмәтегезгә чын ихластан бирелгән булуыгыз, сабырлыгыгыз, эш сөючәнлегегез күңелләрдә ихтирам хисе уята. Киләчәктә дә куелган максатларга ирешегез.
Бөтен гомерегезне туган җиргә багышлавыгыз, иңнәрегезгә алган авыр һәм җаваплы һөнәрегезне намус белән башкаруыгыз өчен зур рәхмәт сезгә! Үзегезгә һәм гаиләләрегезгә ныклы сәламәтлек, бәхет һәм иминлек, йортларыгызга бәрәкәт телим. Тормышыгыз шатлык-сөенечләр белән тулып торсын, табыннарыгыз һәрчак мул булсын!

Башкортостан Республикасы көне белән!

Хөрмәтле авылдашлар!
Сезне чын күңелдән Башкортостан Республикасы көне белән котлыйбыз.
Республика көне - күпмилләтле Башкортостан халкының тынычлык һәм иминлек, бердәмлек символы бәйрәме ул.
Без төбәгебезнең байлыгы, аның бай тарихы белән хаклы рәвештә горурланабыз һәм шушы уңышларга ирешергә мөмкинлек биргән өлкән буын, аларның хезмәте, батырлыгы алдында баш иябез.
Әлеге бәйрәм көнендә сезнең һәммәгезгә дә ныклы сәламәтлек, иҗади уңышлар,тыныч имин тормыш телибез.

5 октябрь-Укытучылар көне!

Хөрмәтле укытучыларыбыз! Әлеге күркәм бәйрәм көнендә йөрәктән чыккан иң изге теләкләрне, иң җылы хисләрне кабул итегез! Һөнәрегезгә һәрчак тугры булуыгыз, күңел сафлыгыгыз һәм тырышлыгыгыз өчен зур рәхмәт сезгә! Барыгызга да исәнлек-саулык, күңел күтәренкелеге, зур уңышлар, бетмәс-төкәнмәс энергия, эшегездә яңа үрләр яулавыгызны телибез! Сезнең һәр дәресегез укучыларны яңа белемнәргә, фәнни ачышларга этәрсен! Тормыш сезгә һәм укучыларыгызга бары тик “бишле” билгеләре генә куйсын!
Шулай ук ветеран укытучыларыбызны бәйрәм белән котлыйбыз! Сәламәтлек, җан тынычлыгы, гаилә бәхете, тыныч,матур картлык, хәерле, изге гомерләр телибез.