Тюрюш!

5 октябрь-Укытучылар көне!

Хөрмәтле укытучыларыбыз! Әлеге күркәм бәйрәм көнендә йөрәктән чыккан иң изге теләкләрне, иң җылы хисләрне кабул итегез! Һөнәрегезгә һәрчак тугры булуыгыз, күңел сафлыгыгыз һәм тырышлыгыгыз өчен зур рәхмәт сезгә! Барыгызга да исәнлек-саулык, күңел күтәренкелеге, зур уңышлар, бетмәс-төкәнмәс энергия, эшегездә яңа үрләр яулавыгызны телибез! Сезнең һәр дәресегез укучыларны яңа белемнәргә, фәнни ачышларга этәрсен! Тормыш сезгә һәм укучыларыгызга бары тик “бишле” билгеләре генә куйсын!
Шулай ук ветеран укытучыларыбызны бәйрәм белән котлыйбыз! Сәламәтлек, җан тынычлыгы, гаилә бәхете, тыныч,матур картлык, хәерле, изге гомерләр телибез.

Тәрбиячеләр көне белән!

Хөрмәтле тәрбиячеләр, мәктәпкәчә белем бирү учреждениеләре хезмәткәрләре һәм педагогик хезмәт ветераннары! Сезне һөнәри бәйрәмегез белән ихлас котлыйбыз.
Хезмәтегез –гаять мөһим һәм җаваплы. Яшь буында мәрхәмәтлелек, кайгыртучанлык, хезмәт сөючәнлек тәрбияләү балалар бакчасыннан башлана. Һәр баланың күңел дөньясын аңлап, йөрәгенә ачкыч таба белү зур тырышлык һәм педагогик сизгерлек таләп итә. Һөнәри осталыгыгыз, сабырлыгыгыз, балаларга күрсәткән кайгыртучан һәм җылы мөгамәләгез өчен бик зур рәхмәт сезгә! Киләчәктә дә зур уңышлар,  балалар мәхәббәте юлдаш булсын! Сезгә һәм гаиләләрегезгә бәхет, шатлык, сәламәтлек, иминлек телибез.

1 сентябрь

Хөрмәтле укучылар, укытучылар һәм ата-аналар! Сезне сентябрьнең матур бәйрәме — Белем көне белән котлыйбыз. Сезгә яңа белемнәр үзләштерү процессында уңышлар, җан тынычлыгы, сәламәтлек һәм шатлыклы уку елы телибез!