*КҮНӨӨЛӨРДӨН АРЫЛУУ АЙЫ!*
Урматтуу мусулман бир туугандар! Мынакей, биз күткөн, он бир айдын падышасы болгон Ыйык Рамазан айы да кирип келди. Ар бир адам ар кандай ниетте тосуп алды. "Ар бир амалдар ниеттерге жараша болот"- дегендей, урматтуу мусулман бир туугандар, биз бул ыйык айда көптөгөн соопторго жетүүгө аракет кылуубуз керек. Бул айда он сооп - жетимиш же андан да көп болуп көбөйөөрү баарыбызга маалым. Ислам беш түркүктөн турат. Анын төртүнчүсү- Ыйык Рамазан айында 30күн орозо тутуу.
_📜Абу Хурайра (р.а.) риваят кылат: Пайгамбарыбыз (с.а.у.) айтты: *"Ким ыйманы менен жана сообун үмүт кылып Рамазан айында орозо кармаса, анда анын мурдагы кылган күнөөлөрү кечирилет".* (Бухари)_
🍃🌸🍃🌸🍃🌸🍃🌸🍃
_Мухаммад Яманий деген даанышмандан сурашат: "Сиз эмнеге дайым орозо кармап жүрөсүз? - деп. Анда ал жооп берет: "Мен алты кишиге алты түрдүү суроо берип, бир жооп алганымдан, орозо кармадым" - деди. Анда алар кайсы суроолор деп сурашты. Жооп берет:_
_1-Дарыгерлерден сурадым. Ден соолукка шыпаа тамак кайсы десем, алар: "аз жеп, ачка жүрсөң" оорубайсың деди._
_2- Аабиддерден (Кудайга кулчулук ибаадатын кылгандардан) бул даражага кантип жеттиңер деп сурасам "аз жеп, ачка жүрүү" менен дешти._
_3- Даанышмандардан канткенде менин сүйлөгөн сөзүм жүрөктөргө таасирлүү болот деп сурасам "аз жеп, ачка жүрүп" сүйлөсөң таасирлүү болот деди._
_4- Заахиддерден (Такыба, Кудайдан корккон, дүйнө ушактарынан оолактардан) кантип бул даражаны таптыңар деп сураганымда "аз жеп, ачка жүрүү менен" деп жооп беришти._
_5- Аалымдардан (Кары аке, аалым молдолордон) канткенде Куран, хадистер жүрөгүмө тез жатталат деп сурасам "аз жеп, ачка жүрүү" менен деп жооп беришти._
_6-Падышалардан сиздер тамакты жакшы билесиздер, кандай тамак таттуу деп сурасам, алар күндө жеген бал таттуу болбой калат._ _Ошондуктан "аз жеп, ачка" болгон күнү суу да таттуу болот деп жооп беришти. "Мына ушунун негизинде орозо кармап жүрөмүн"- деп жооп берди Мухаммад Яманий._
🍃🌸🍃🌸🍃🌸🍃🌸🍃
_Мынакей! Жада калса медицинада да, падышалар да каарылар да, молдо-аалымдар да орозо себептүү соопторго, ийгиликтерге жетип жатышат. Жана дагы бир хадисте орозо тууралуу:_
_🌸 Абу Хурайра (р.а)дан риваят: Пайгамбарыбыз (с.а.у.) айтты: *"Орозо - бул калкан. Ошондуктан, орозо кармоочу уят сөз сүйлөбөсүн жана акмактык кылбасын! Ким аны менен урушса же сөгүшсө, анда ал: "Албетте, мен орозо кармаганмын "- деп эки жолу айтсын! Менин жаным анын колунда болгон Затка касам ичем! Орозо кармоочунун оозундагы жыт- Аллах Тааланын астында жыпар жыттан да жыттуураак. Аллах Таала: *" Орозо кармоочу тамакты, ичүүнү жана каалоосун менин ыраазычылыгым үчүн таштады. Орозо мен үчүн. Анын сообун өзүм берем. Бир жакшылыкка он эсе сооп берилет".* (Бухари)_
_Карачы, тууганым! Ушундай берекелүү болгон Ыйык айда ниетибизди башкага буруп, сооптордон куру кол калбайлы. Акыретибизде орозо бизге калкан болушу үчүн ниетибизди оңдойлу!_
Аллах Таала ниет тууралуу Ыйык Кураанда:
_*"Ал затка диниңерди калыс тутуп жалбаргыла".* (Аъраф:29)_
Жана да Аллах Таала:
_*"Аллахка алардын (курмандыктарынын) эти да, каны да жетпейт, бирок , силердин такыбалыгыңар жетет (б.а. калыс жүрөктөн кылган амалыңар гана жетет).* (Хаж:37)_
_Бул аяттар кандай гана маанилүү. Аллах Таала биздин кылган ниетибиз тууралуу да Ыйык Кураанда эскертип жатат. Качан гана чын ыклас (ниет) менен кылынган иш гана кабыл болоорун айтып жатат. Азыркы учурда, орозо маалында, кээ бир туугандарыбыз орозону сооп-үмүт менен эмес, арыктоо үчүн кармап жатышат. Туура, арыкташың мүмкүн, бирок, канчалаган сооптордон куру кол калып жатасың._
_📜Абу Хурайра (р.а.) риваят кылат: Пайгамбарыбыз (с.а.у.) айтты: *"Адамдар (Кыямат Күнү) ниетине жараша тургузулат". (Б.а. ар бир адамга ниетине жараша мамиле кылынат).* Ибн Маажа)_
_☝🏻Эй, мусулман бир тууганым! Ойлонгун! Кийин кеч болуп, өкүнгөндөрдөн болуп калбайлы?! Бул балким сен үчүн да, мен үчүн да акыркы Рамазан айы болуп жүрбөсүн?! Ушул айда ниетибизди тууралап, даражаларыбыздын көтөрүлүшүнө, көптөгөн соопторго ээ болууга аракет кылайлы. Бүгүн барбыз, балким, эртең жокпуз. Бир күндүк өмүрүбүз калган болсо да ниетибизди оңдоп, күнөөлөрүбүздүн кечирилиши үчүн аракет кылайлы..._
👨👩👧👦 Бактылуулук формуласы
Присоединяйтесь к ОК, чтобы подписаться на группу и комментировать публикации.
Комментарии 10