Файдалы киңәшләр

Стружка җыябыз

Свитер тишеген ямыйбыз

Плитканы ничек ялтыратырга? Әлеге эремә кафель плиткасы өчен яхшы, бернинди таплар калдырмый. 1 стакан җылы суга 1 кечкенә кап (15 г) лимон кислотасы кушарга. Әлеге эремәгә манылган салфетка белән плитканы юарга һәм чиста су белән чайкарга кирәк. Бик нык пычранган плитканы аш серкәсе белән чистарта аласыз. Пульверизатордан 9 %лы аш серкәсе сиптереп, 10 минут тотарга һәм йомшак чүпрәк белән сөртергә. Аш серкәсе тапларны гына чистартып калмый, күгәрек гөмбәчекләренә каршы да нәтиҗәле чара.

Тозлаган укроп

Нинди сабын алырга? Дерматологлар көн саен куллану өчен антибактериаль сабын алырга киңәш итми. Ул тиренең саклагыч элпәсен боза. Антибактериаль сыек сабын составында триклозан, катысында триклокарбан матдәсе бар, ул зарарлы бактерияләр генә түгел, файдалыларын да юк итә. Тәэсире юганнан соң да күпмедер вакытка җитә. Нәтиҗәдә тире корылана, аллергия куркынычы арта. Авыру кеше яки хайваннар белән контакттан соң, яисә инфекция йоктыру куркынычы булганда гына мондый сабын белән юынырга кирәк. Көндәлек кулланырга гадәти каты сабын алыгыз. Май микъдары проценты югары булганы тире өчен йомшаграк. Составында какао һәм кокос мае булганы тирене йомшарта.

Теш пастасы чистарта Краннарны теш пастасы яхшы ялтырата, ул тутыкмас корыч өслекне чистартырга әйбәт. Теш пастасын үтүкне чистарту өчен дә куллана аласыз.

Базны ничек әзерләргә? Яшелчә салганчы базны чистартырга, йогышсызландырырга кирәк. Стеналарын һәм киштәләрне бакыр купоросы кушылган яңа сүндерелгән известь эремәсе белән агартырга (10 л суга 2 кг известь, 200 г бакыр купоросы салырга). Ике кат агартсагыз, тагын да яхшырак. Яшелчә әрҗәләрен 10 %лы бакыр яки тимер купоросы белән йогышсызландырырга була. Кояшта киптерергә. Баз, подвал идәне җир икән, коры известь, һичьюгы көл сибегез. Бу эшләрдән соң базны ачып җилләтергә кирәк. Күкерт шашкасы яндыру күгәрек гөмбәчеге һәм бөҗәкләрдән котылырга булыша. Бу вакытта базда металл әйберләр калмаска тиеш, ул аларны күгәртә.

Яшелчәләр киптерәбез Кышка яшелчәләрне киптереп куярга да була. Киптерелгән яшелчәләр барлык файдалы үзлекләрен саклый, урынны күп алмый. Кишерне чистартып, түгәрәкләп яки саламлап турарга. Тәмен һәм төсен сакласын өчен, 15 минутка кайнар суга салып йомшартырга һәм шундук салкын суда суытырга кирәк. Суын саркытып корыткач, 60 °Ста киптерә башларга була. 9,5 кг кишердән 1 кг киптерелгәне чыга. Баллы борычны орлыкларыннан чистартырга, 5-6 см калынлыкта түгәрәкләп турарга. 2-3 минутка кайнар суга салып алырга һәм салкын суда суытырга. 10-12 кг баллы борычтан 1 кг киптерелгәне чыга. Баклажанны юарга, теләк буенча кабыгын чистартырга да ярый. Турарга һәм әчесе чыксын өчен 15 минут тоз сибеп тотарга, аннан агымсуда чайкарга. 6-7 минут кайнар суда пешекләргә, салкын суда суытырга кирәк. 60 °С температурада 8-10 сәгать кибә. Ташкабак, кабакны 4-5 мм калынлыкта турарга, үзәген, орлыкларын алырга, кабыгын чистартырга. Төсен сакласын өчен, 1-2 минутка тоз өстәлгән кайнар суга салып алырга һәм шундук салкын суга салып суытырга. 60 °Ста 7-8 сәгать кибә. Чөгендерне кабыгын чистартмыйча, 20-30 минут кайнар суда тотарга, салкын суга салып суытырга кирәк. Кабыгын әрчеп, саламлап турарга һәм 60 °С температурада киптерергә. Гөмбәнең барысы да киптерү өчен яраклы, шулай да иң яхшысы — ак гөмбә. Ул тәмен, төсен дә башка гөмбәләрдән күбрәк саклый. Гөмбәне чүп-чардан чистартып юарга. Эшләпәсен кисәкләргә, аякларын түгәрәкләп турарга. Баллы гөмбә (опенок) кебек вак гөмбәне шул килеш тә киптерергә ярый. Гөмбәне 4-5 сәгать 40-50 °Ста тотарга. Аннан 5-6 сәгатькә температураны тагын да төшерергә кирәк.

Ташкабакны туңдыралармы? Кышка күп хуҗабикә ташкабакны кабыгы катыланганчы үстереп, кабак кебек саклый. Әмма картайган ташкабакның тәме яшеннән күпкә аерыла. Яшь ташкабакны туңдырып куя аласыз, аның витаминнары, файдалы үзлекләре сакланачак. Ташкабакны турап, тозлы кайнар суда 2-3 минут пешекләп алырга кирәк. 1 л суга 1-2 чәй кашыгы тоз кушарга. Шундук дуршлагка бушатырга һәм өстенә салкын су агызырга. Салфеткага таратып, бераз киптерергә һәм пакетларга тутырып, туңдыргычка куярга кирәк. Туңдыру өчен зип-пакет (замоклы пакет) уңайлы.

Банка стерильләштеребез Банкаларны микродулкынлы мичтә стерильләштерергә була. Моның өчен банка төбенә 1-2 см биеклектә су агызып, 2-3 минут җылытырга кирәк.