,
Чыж – чыж..,
Чалгы уйный
Үлем кулында.
Кисек аяк, кисек башлар
Үткән юлында.
Күмерләнгән агачлардан
Кара кан тама.
Кара төтенгә уралып,
Шәһәрләр яна.
Шарт – шорт..,
Шарт – шорт..,
Ядрә атыла.
Дар агачын таган итеп,
Үлем атына.
Мәет исе, төтен исе
Дөньяга тулган.
Җир – Анабыз ачы яшьле
Канга буялган.
Чыж – чыж.., шарт – шорт..,
Каян бу болай?
Ни өченгә Үлем һаман
Җаннарга туйм(а)й???
Ни өченгә гомер җебен
Өзә чалгысы???
Дөньясында һич кимеми,
Ана кайгысы.
Тукта, тукта.., ялгышмыйммы
Болай фикерләп,
Барлык булган афәтләрдә
Үлемне тиргәп?
Кешене бит Үлем түгел,
Кеше үтерә.
Шәһәрләрне, авылларны
Кеше җимерә.
Кыйммәт костюм, галстуклы,
Матур сүзлеләр.
Дар агачын Үлем түгел,
Алар төзиләр.
Ә, Үлем ул, миңа калса,
Тик, илчесе Алланың,
Гөнаһлыгына карап,
Урнаштыра җаннарны.
(Айрат Шәйхетдинов)
22.05.2024 ел
Присоединяйтесь к ОК, чтобы подписаться на группу и комментировать публикации.
Нет комментариев