Предыдущая публикация
Мемнан ялна чодыра да курык лоҥгаште верланен. Тудым кум могырым кум эҥер авырен йога: Алагуш, Соказа, Пӱрӧвуд. А эҥерлашкыже мыняр памаш йоген ушна!...
Чодыраште тӱрлӧ янлык ила, а кайык-влак ямле мурышт дене мемнам куандарат.
Тыгай поян мландыланна куанен да кугешнен илена.
А тачысе пайрем кечын Ӱлыл уремын чолга еҥже-влак Арама памашнам эрыктышт, корнышто кушшо шудым солен лектыч. Памаш вӱдшо, корныжо почылтмылан куанен, кугырак вийым налын, йыргыктен шолын лектеш. Мемнам йӱшто вӱдшӧ дене сийла, у вийым ешара.
Юмын пуымо пӱртӱс поянлыкым арален кодышаш верч ончыкыжымат эре тыршаш кӱлеш.
В.ЗАЙЦЕВА.
Присоединяйтесь к ОК, чтобы подписаться на группу и комментировать публикации.
Комментарии 3