💥
Толын шуыч? Томаша!❄🌧
Кид-йоллан адак паша:
Лумым ит нойо куаш⛄
Да йолгорным такырташ!🎅
Тений тудо могай лийшашым ончылгоч каласаш лиеш гын? Пургыжан, шыде поранан, чатлама йӱштыжӧ да йӱдвел мардежше дене лӱдыктылшӧ, ала умыр, южышто лум пырче-влакым пӧрдыктен модыктышо… Пӱртӱс кугыжа, юзо тояж дене пералтен, мландымбак кеч-могай игечым колта гынат, ме чылажланат ямде улына. Леве годым, йолыш ечым чиен, курыкыш мунчалташ каена, чот йӱштӧ годым шокшо ужга да упш кӧргыш шылына, йолеш шокшо портышкемым чиена.
«Пӱртӱсыштӧ уда игече огеш лий», - маныт. А тендан ушеш, пагалыме лудшына-влак, могай теле сӱретлалт кодын? Телефонысо «Галерейыштыда» могай фото але видеосюжет -влак аралалтыт? «Чолман» газетын соцкылысе лаштыклашкыже але Телеграм-каналышкыже пыштен колтыза - мотор сӱрет-влакым пырля аклен ончалына! А У ийлан кузе ямдылалтыда, мом сӧрастареда?
Присоединяйтесь к ОК, чтобы подписаться на группу и комментировать публикации.
Нет комментариев