14-акыркы бөлүмү
Офистен чыккан Канат Мырзаевич бийик тепкичтен түшпөстөн айлана чөйрөгө көз салып карап турду.Ак буурул чачтарын артына карай тараган кишиге аппак көйнөктүн үстүнөн кийген кара пальтосу жарашып,анын жүзүн жагымдуу кылып көрсөттү.Колунда турган телефонуна карап ары бери бир нерселерди чиймелеп,кайрадан чөнтөгүнө салып койгон киши өзүнчө жылмайып койду.Ылдыйга түшүп офистин айланасын курчаган чоң бактын чыгыш тарабына басып баратты.Канат Мырзаевич сары жалбырактуу бактын так ортосуна жетейин дегенде кол саатына карады.
***
Кабинетинде отурган Сабира эже терезе жакка басып келип,бир аз жылчык ачылган айнектен кирген шамалга жүзүн тосуп турду.Сырттан кирген жел менен абадан жагымдуу жыттар келип жатты.Сабира эже сыртта сейилдеп жүргөн бейтаптарга карады.Кече эле оордунан тура албай ооруп келгендер,мына тез эле убакытта Сабира эженин көз алдында айыгып баратканына кубанды."Жашоодо бирөөгө пайдаң тийген кандай жакшы"деп ойлоду.Ак халаттын чөнтөгүндө турган телефонуна билдирүү келди.Ачып окуган Сабира эже телефонду көкүрөгүнү коюп,көзүн бир ирмемге жумуп бир нерсени элестетип бактылуу жылмайды.Бир аздан кийин пальтосун кийген Сабира эже кабинетин жаап сыртка чыкты.
Жумуш күнү болгондуктан бакта эл көп көрүнбөдү.Жерге төгүлүп калган түркүн түстүү жалбырактарды тепселеп бараткан Сабира эже алыста турган кара кийимчен караанды жазбай тааныды.Бир аз кадамын жайлатып,дүкүлдөп катуу соккон жүрөгүн тынчтандыруу менен алек болуп баратты.
-Кандайсын Сабира?...
Ал жакындап калганда утурлап чыккан күйөөсү колун сунду.
-Колдоруң муздап калыптыр го?..
Сабира эженин колун кармаган күйөөсү өөп койду.Аста колунан тартып колтуктатып алды.
-Ушул бактын аркы бетинде кичинекей тынч кафе бар ,ошол жерге баралы ээ?
Канат Мырзаевич аялынын колун өзүнүкүнө кошуп,пальтосунун чөнтөгүнө салды.
-Бул бактын аягы көрүнбөйт го!Сени менен кафеге барам деп түнгө чейин баскым келбей турат!
Сабира эже күйөөсүнө карап күлдү
-Мен сени менен өмүр бою жетелешип басууга даярмын!
Канат Мырзаевич күтүүсүздөн аялын так көтөрүп айланта баштады
-Канат түшүрчү сураныч!Көргөндөр эмне дейт!
Сабира эженин каткырыгы бош турган бакта жаңырып турду..Аны жерге койгон күйөөсү бир саамга коё бербей кучактап турду.
-Сени жоготкум келбейт!Жанымда болчу!?
Сабира эженин чачынан сылаган Канат Мырзаевич анын жүзүнөн өөп койду.
-Кеттикпи?
-Кеттик!
Сабира эже чын эле ушул бактын аягына барат экенбиз дегенсип узаактарды сумсая карап алды.
-Мен бактылуу жашагым келет!
-Башта бактылуу эмес белең?
Сабира эже күйөөсүнүн көздөрүнө тигилди
-Башта бакыт эмне экенин билбейт болчумун...
-Азырчы?
-Азыр билдим.Бакыт бул - чарчап келгенде күткөн ,күлсөң кошо күлгөн,оорусаң жаныңдан чыкпаган,,жашоого сени менен бирдей көз карашта караган адам экен!
Канат Мырзаевич ушуларды айтып аялын өөп койду.Экөө бир аз басканда эле оңго бурулуп узун кыйыр жолго салышты.Сабира эже күйөөсүнөн бир нерсени сурамакчы болуп баратып,унчуккан жок.Өз ойлору менен алек болуп келе жаткан экөө чоң жолго чыгышты.Канат Мырзаевич аялын обочороок жерде жайгашкан кафеге баштап кирди.
*****
Жыл айланып кайра эле жаңы жыл жакындап калды.Бирок өтүп бараткан жыл Сабира эже менен Канат Мырзаевичке кыйла эле сабак болчу окуяларды тарттуулады.Алардын жаңы жашоосу жаштык кездегиден да кызыктуу өтүп жатты.
-Эсиңдеби,экөөбүз жаңы үйлөнгөндөн кийин сени жетелеп айыл аралап чоң жолго чыгып,шаарга барганбыз.?
-Аны кантип эсимден чыгарайын?Экөөбүздүн жаштыгыбыздагы акыркы жетелешүүлөрдүн бири ошол болду го?!Ошол күндүн эртеси эле менден өзүңдү оолак кармап калгансын
Сабира эже диванда отурган күйөөсүнүн тизесине башын коюп жаткан калыбында анын маңдай чачынан сылап койду.
-Илгеркилер да кызык ээ?Кошуна кемпирлер апама "уулуң уялбай келинчегин жетелеп баратат көчөдө"деп айтышкан экен.Апам үйгө келгенде "сен беш алты кадамдай алыс бас көчөгө чыкканда,үйдө да көп жанына келип сүйлөбө уят" деген.Ошол болду көчөгө чыксам эле улуулардан тартынып сени менен ээрчип баса албайт болчумун...
-А мен болсо,сени көңүлү жок деп ойлойт элем!
-Илгеркилер кызык болгон экен да!Биз го азыр көп нерсени түшүнүп,жаңы жашоо баштадык.Көпчүлүгү улгайган кезде ага -карындаштай мамиледе болуп калышат...
-Бактылуусуңбу?
Сабира эже күйөөсүнө тик карады.Канат Мырзаевич аялынын көзүнө көпкө тигилип турду
-Сен бактылуусуңбу?Мен мурдагыдай күчтүү эмесмин,чачтарыма ак аралады,сага окшоп боёнуп жашара албайм?!Ден соолугумду жоготконмун.Сен эрте эле чал болуп калган киши менен жашап,бактылуусуңбу?
Канат Мырзаевич кайра эле аялына суроо узатты
-Мен бактылуумун!Мага сен болсоң болду!Сенин жанымда болгонуң эле канчалык бакыт экенин элестете албайсың!Сен жокто канчалаган уйкусуз түндөр өткөнүн да билбейсиң!Сен экөөбүз чогуу улгайып келе жатабыз.Сен күчтүүсүң мен ишенем!Мен сени жигит курактан бери билгендиктен,сенин карып баратканың да мага жагымдуу көрүнөт!Сени кайталаган артыңда эки уулубуз бар!Сенде жок жаштыкты алардын жүзүнөн көрөм!
Сабира эже өзүнүн жүзүн сылап жаткан күйөөсүнүн колун илебине жакындатып өөп койду.
-Мен карылыкты сени менен гана тоскум келет!
Канат Мырзаевич аялын бооруна кысты
-Мени менен тоспогондон башка аргаң жок эми!Мен сени бир жолу бирөөгө ишенип тапшырдым,эми эч качан,эч кимге бербеймин!
-Мен сенден кетпеймин.Бирок мага кайдыгер мамиле жасабачы?!Керек экенимди билдирип турчу!Мени талашчы башкалардан!
Канат Мырзаевич аялынан сурангандай кайрылды
Жаңы жылды тоскону келген уулдары ата -энесинин жадыраган бактылуу жүздөрүн көрүп сүйүнүп турушту.Алардын көзүнө ата энеси жашарып калгандай көрүндү.А ата -эне болсо биринен бири акылдуу болуп жетилген уулдарына жетине албай кубанышты.
Арадан жылдар өттү.Сабира эже келин алып неберелүү болушту.Учурда Канат Мырзаевич пенсияда.А Сабира эже акыркы жылдарын иштеп жатат.Экөөнүн жаңы жашоосу дагы эле кызыктуу.
Бегимай бир жолу уулун эрчитип Сабира эженин жанына келип кеткен.Ошондо анын бактылуу экенин көргөн Сабира эже чын жүрөктөн кубанган эле.
Бегимай азыр уул кыздарды төрөп андан да бактылуу болсо керек.....
Аягы
Автору белгисиз интернеттен алынды...
Урматтуу окурмандар чыгарма жакса ой пикириниздерди калтырып кетиниздер жана класс басканды унутпаныздар....
Присоединяйтесь к ОК, чтобы подписаться на группу и комментировать публикации.
Комментарии 33