Улуттук дух жөнүндө..
Улуттук дух деген бул 7 эле эмес, 70 атаңдан бери келе жаткан, жарым жолдо жоодон жеңилип же ачкадан өлүп же куурап жок болуп кетпей, укум тукумун аман сактап, жаратылыштын далай сыноолорунан соо өткөн сендеги жеңилбеген, жашоо үчүн күрөшө алган КАН, ТЕК. Канча кылымдар мурун сен алып жүргөн чоң эне, чоң атаңдын, таята, тай энеңдин кыял мүнөз, баскан тургандары, оомат, потенциалы сага жетпей, кыйрап жок болсо деле болмок. Бул жаратылыш эч качан алсыз, начарларды аябайт. Жаратылышта күчтүүлөр гана жашоосун, тукумун улантат. Жаратылыштын мыйзамы ошондой. Мына ошол күчтүү кан, тек бүгүнкү тирүүлөрдүн күрөө тамырында айланып турат. Бул потенциалды же башкача айтканда күчтүү текти, арсыз, алсыз кылуу да бүгүн сенин колуңда, тескерисинче күчөтүп кылымдар ары тукумуң аркылуу узатып жиберүү да сенин колуңда. Арсыз, алсыз болсоң алгач жаратылыштан сен жоголосуң, анан тукумуң жоголот, ошентип жүрүп олтуруп алсыздардын эли жоголот, жери жоголот, эң башкысы УЛУТУ жоголот!
Присоединяйтесь к ОК, чтобы подписаться на группу и комментировать публикации.
Нет комментариев