Түнү үйгө токтобой, кээде кеч келгенден кызымтал келет да мага кол көтөрө баштады. Кайыненеге айтсам, “өзүңдүн тандооң, чыдабасаң ажырашып кет ” –деп койду. Ошону менен эч кимге сырымды айткыс болуп калдым. Эки айлык боюмда болуп, бир күнү анализге акча сурасам, бала деп башымды оорутасың деп катуу сабап салды. Айлам жок апама айтып, байкем келип алып кетти. Ошону менен мен да кайра барган жокмун. Жолдошум да артыман келбеди. Убакыт өтүп кыздуу болдум. Апам жолдошума чалып: “Кыздуу болдуң”-десе, ал: “Менин кызым эмес атасын таап алсын” деп жооп бериптир. Бул менин гана эмес апамдын да жүрөгүн муздатып, кызымды мага каттатып алдык. Убакыт бат эле өтөт экен кызым менен алышып жүрүп билинбей арадан беш жыл өтүп кетиптир. Жумушума жаңы келген Акылбек мага ыктап, мени менен мамиле курууга аракет кыла баштады. Мага жагып турса да кызымды ойлоп жолдошумдун мага кылганын эстеген сайын эркектерден жийиркенем. Бир күнү кызым менен соода борборлорунун бирин аралап баратып Акылбекке жолугуп калдым. Ал кызымды жылуу тосуп алып, менин шашып жатам дегениме карабай аны оюнчуктар дүкөнүнө киргизип кызымдын каалаган оюнчугун кымбатына карабай алып берди. Андан кийин чогуу чай ичели деп калды. Ушул күндөн тартып биздин мамиле жакындаша баштады. Бир күнү Акылбек апасы менен тааныштыра турганын айтып калды. Мен баруудан баш тарттым. Бир күнү жумуштан чыгып бара жатсам ак жоолук салынган улуу эле аял мени токтотуп: “ Акылбектин апасымын”- деп таанышып калды. Апасына да түшүндүрүп ажырашканымы кызым бар экенин айттым. “Балам баладан биз баш тартпайбыз, Акылбек менин ортончу балам, кичүү уулум да үйлөнгөн. Азыр жалгыз Акылбек калды. Ага жакшы жубай жолугушун каалайм. Балам уулуман баш тартпа”-деп суранычын айтты. Сүткө оозун күйгүзгөн айранды үйлөп ичет дегендей апама айтсам апам: “Кызым сен да бактылуу болушуң керек. Кызыңдан тартынып жатсаң мен багам. Өз бактыңды тап”-деди. Ошентип мен Акылбекке турмушка чыктым. Арадан эки ай өтпөй кызымды алып келишимди талап кылды. Апама чогуу барып, ал жерден Акылбек: “Апа сиз мени туура түшүнүңүз, баладан баш тартпайм. Кызды бизге бериңиз биз менен бир туугандары менен чогуу өсүшүн каалайм. Кичинесинде мени ата катары кабылдасын. Ортобузда дубал калбасын деген оюм бар”-деди.Апам сүйүнүчтөн кызымды кучактап ыйлап бизди узатты. Ошентип Акылбек экөөбүз уулду да болдук. Бала тойдо кайненемдин улуу абысындарынын бири менин көзүмчө: “ Акылбек жакшы жигит жубан алганга татыктуу эмес болучу” деди. Башыман ылдый муздак суу куйгандай баламды боорума кысып ордумда бозоруп туруп калдым. Кайненем болсо каамарабай: “атка бергис кунан бар, кызга бергис жубан бар дегенди унутпа. Ал да келинимдин маңдайына жазылган тагдыр болгон. Уулуңүзга мектепти жаңы бүткөн кыз алып берип башкача чай ичип жатасызбы? Экинчи жолу келинимдин дарегине сөз айта турган болсоңуз мага таарынбаңыз эшигим жабылат ” –деп кесе айтты. Көрсө отурган жерден менин жубан келгенимди, мурунку күйөөмдөн ала келген кызымды кошо багып жжатканын айтып кайненемди бузгандарга дайыма мени коргоп жооп берип жүрчү экен. Бул окуядан кийин кайненемди катуу сыйлап, менин ишенер тоомо айланды. Кайненемдин ушундай тарбиясынан улам жолдошум түшүнүктүү, оор басырыктуу жакшы адам болгон турбайбы. Мен да кайненемдей арканды узун таштаган көрөгөч байбиче болгум келет.
Присоединяйтесь к ОК, чтобы подписаться на группу и комментировать публикации.
Комментарии 32