Кой
Өтө кумарлуусуз. Сүйүүгө бекем эмессиз, бул жаатта сезимиңиз бат-баттан өзгөрүп турат. Кааласаңыз бүгүн бирөөнү, эртең дагы бирөөнү, анан кайсы бир күнү андан башкасын сүйүп кала берүүгө жөндөмдүүсүз. Алтургай күйөөңүз менен бир канча убакыт жашаган соң ага болгон сүйүүңүз өчөт да, башка эркектерге кызыга баштайсыз. Бир гана учурда жолдошуңузга туруктуу болушуңуз мүмкүн: эгерде аны түбөлүккө чындап сүйсөңүз.
Букачар
Эң мыкты кожойкесиз! Тамакты дайыма даамдуу жасап, күйөөңүздүн жакасына кир жугузбайсыз. Үйүңүздү ар качан таза кармап, чыр-чатактын болушуна жол бербейсиз. Жолдошуңузга ишенимдүү, туруктуу жана аны сүйө билген өмүрлүк жарсыз. Бирок ошонуңузга жараша ага "мени эч нерседен кем кылбай багышың керек" деген талапты катуу коёсуз.
Эгиздер
Эч качан үйдө чачыңыз таралбай, кир халат кийип жүрбөйсүз. Айтор, жүдөп жүргөн убактыңыз эч качан болбойт. Дайыма жакшынакай жана жагымдуусуз. Биринчи өзүңүзгө кам көрүп, жакшынакай кийинип, жасанып-түзөнүп алып, андан кийин үй оокатын жасоого киришүү - адатыңыз. Сиз үчүн эң башкысы - чыныгы сүйүү. Ал эми үй, акча, байлык - булар колдон келе турган нерселер деп эсептейсиз. Балдарга өтө мээримдүүсүз.
Бөйөн
Сиз менен бирге идеалдуу үй-бүлө курууга толук мүмкүн. Анткени, сизде идеалдуу аялга тиешелүү сапаттардын баары бар. Мыкты кожойке, мээримдүү эне, туруктуу жана сүйүктүү жарсыз. Төшөк мамилесинде күйөөңүз үчүн ойдогудай болууга аракеттенесиз. Керек болсо бирөөнүн сырын бекем сактай алган чыныгы дос да боло аласыз. Бир кемчилигиңиз - ашыкча кызганчаактыгыңыз.
Арстан
Өзүңүздү алып жүргөнүңүз жагынан да, үй оокаттарына тыңдыгыңыз жагынан да эч кимди астыңызга чыгарбайсыз. Жасаган тамактарыңыз дайыма даамдуу, үй-жайыңыз таза, тыкан. Качан болбосун күйөөңүздөн өзүңүзгө көңүл буруп туруусун талап кылганды жактырасыз. Сиздин оюңуз боюнча, ал сизге бат-баттан комплименттерди айтып, күн сайын эркелетип, майрам сайын белек берип туруусу керек. Балдарды абдан жакшы көрөсүз. Эгер күйөөңүз менен мамилеңиз болбой калса, ажырашып кете бересиз. Бирок кайра турмушка чыкпастан, балдарыңыз менен эле жашай беришиңиз ыктымал.
Бийкеч
Өтө эле тазасыз. Үйүңүзгө кирген адам канча издебесин, бир да жеринен чаңды, ордуна коюлбай чачылып жаткан буюмду көрө албайт. Күйөөңүздүн, балдарыңыздын кийимдерин кирдетпей, жыртык кылбай жакшы кам көрөсүз. Алардын курсактары эч качан ачка калбайт, көңүлдөрү дайыма ачык жүрүшөт. Бирок ден соолугуңузга, сырткы өң-келбетиңизге чектен ашып ашыкча эле кам көрө бересиз. Бул адатыңыз алтургай кээ бирлердин кыжырын да келтирет.
Тараза
Камкор, мээримдүү жубайсыз. Көп убактыңызды үй жумуштарына бөлөсүз. Ызы-чуусуз, чыр-чатаксыз тынч жагдайда жашаганга колуңуздан келген аракетти кыласыз. Көр оокатка көп алаксып, өзүңүздү да, күйөөңүздү да унутуп коёсуз. Тактап айтканда, кээде эс алуу керектиги, күйөөгө да көңүл буруу зарылдыгы эсиңизден чыгып кетет. Адамдарга жумуш эле эмес, жөн гана адамдык бакыт, жылуу сезимдер да керек экендигин унутпаңыз. Ошого карабай сиз да күйөөңүздүн эркелеткенине, камкордугуна, анын баалап-барктаганына муктажсыз. Эгерде күйөөңүздөн күндө жакшы сөз угуп турбасаңыз, өзүңүздү соолуган гүлдөй сезе башташыңыз мүмкүн.
Чаян
Такыр жаныңыз тынбайт. Кечке үй жумуштары менен алек болуп, анан чарчаганыңызга карабай ашканага барып тамак жасаганга киришесиз. Бирок ушуга деле ыраазысыз. Себеби, ар бир жасаган ишиңизден болуп көрбөгөндөй ырахат аласыз. Өтө кызганчааксыз. Кокус күйөөңүздүн көзүңүзгө чөп салганын байкап калсаңыз, анын бул кылыгын эч качан кечирбейсиз. Үй-бүлөдө лидерликти алгыңыз келет. Башкарганды жакшы көрөсүз. Балдарга мээримдүүсүз жана аларга жакшы тарбия берип чоңойтууга болгон күчүңүздү жумшайсыз.
Жаачы
Кыялкечтик, сезимталдык сапаттар сизде жок. Ушул кемчилигиңиз жашоодо бактылуу болушуңузга көп тоскоол болот. Күйөөңүз менен дос катары гана сый мамиледесиз. Ортоңордо сүйүү жок. Бирге отуруп ачык-айрым сүйлөшүп, каткырып күлүп, көңүл ачып жашайсыңар жана ушуну менен гана мамилеңер үзүлбөй келет. Болбосо ар кимиңер өз алдыңарча эркин болууну жактырасыңар, бири-бириңерге баш ийбейсиңер, бириңерди-бириңер башкарбайсыңар.
Текечер
Бардык эле Текечерлер сыяктуу акчага чоң маани бересиз. "Алачыкта деле сүйүүнүн күчү менен бактылуу жашаса болот" деген сөзгө таптакыр кошулбайсыз. Эгерде күйөөңүз акчаны жакшы таба албаса, үй-бүлөнү багууга кудурети жетпесе, баарын таштап басып кетесиз. Сиз үчүн үй-жай, машина, акча - баарын даярдап, эч нерседен кем кылбай бакса, ошол сүйүү болуп эсептелет. Жолдошуңуз сиздин оюңуздай болгондо гана аны сүйө аласыз жана ошондо гана ага туруктуу болосуз.
Суукуйду
Таптакыр кызганганды билбейсиз, анткени, күйөөңүзгө абдан ишенесиз, ага кымындай да арам ойлобойсуз. Жакшы кожойкесиз, бирок тамакты даамдуу жасоо жагынан аксайсыз. Өзүңүз күйөөңүздү кандай сүйүп, ага кандай жакшы мамиле кылсаңыз, андан да ошондой мамилени талап кыласыз. Балдарыңызга камкор, мээримдүү энесиз, жолдошуңузга чыдамкай, сабырдуу жарсыз. Үй-бүлөлүк жашоодон сиздин күткөнүңүз - келечектеги тынч жана ишенимдүү, бактылуу турмуш.
Балыктар
Сүйүү, түшүнө билүү, өзүн курмандыкка чалуу - мунун баары сизде бар. Сүйүктүүңүздүн бактысы үчүн керек болсо жаныңызды берүүгө даярсыз. Үй-бүлөгө камкор эркектерди абдан баалайсыз. Сезимталсыз, кумарлуусуз. Кыскасы, сүйүүгө да, үй жумуштарын жасоого да жетишесиз. Күйөөңүздү, балдарыңызды аяп, баарын өзүңүз жасап жүрө бермей адатыңыз бар. "Алар кыйналбасын, мен кыйналайын" деген принципке ээсиз.
Присоединяйтесь к ОК, чтобы подписаться на группу и комментировать публикации.
Комментарии 7