Ар бирибиздин сүйүктүү жыл мезгилибиз бар. Кайсы жыл мезгили сизге көбүрөөк жакса, ал сиздин мүнөзүңүздү чагылдырат. Демек, жакшылап ойлонуңуз, кайсы мезгилди баарынан жакшы көрөсүз. Кайсы мезгилде өзүңүздү жакшы сезесиз. Чечтиңизби? Анда жыйынтыктарга көз жүгүртүңүз.
Кыш
Кыш мезгилин сүйгөн адамдар өздөрү менен өздөрү болгонду жакшы көрүшөт. Табиятынан анчалык мамилечил эмес, түнтүрөөк, сүрдүү. Алар жашоонун кыйынчылыктарын тишин тишине катып чыдамкайлык менен жеңип чыгышат жана бардык иштерде ийгиликке жетишет. Бир нерсеге катуу таасирленсе да эмоциясын сыртка чыгарып, башкаларга көрсөтүүнү каалашпайт. Кышты сүйгөн адамдар ичиндегисин качан гана сураганда айтышат же өтө зарыл болгон учурда гана оюн билдиришет. Достору көп болбойт, анткени, мындай адамдар досту өтө кылдаттык менен тандашат. Булар саткынчылык менен көзгө чөп салууну кечиришпейт.
Жаз
Жазды сүйүүчүлөр жумшак мүнөздүү болушат. Алар оюнкараак, жеңил ойлуу, шайыр жана бейгам. Чыргоо жана өзүмчүл, кыялкеч. Өздөрү демилгечи болбогону менен башкалардын идеяларын берилүү менен кабыл алып, аны жашоосунда иш жүзүнө ашырууга даяр. Жаз мезгилин жакшы көргөн адамдар менен мамиле түзүү оңой, бирок, алардан бекем, түбөлүктүү достукту үмүт кылбай эле койгон оң. Достук - бул жоопкерчилик, а мындай адамдар муну сезе беришпейт. Алардын шайырдыгынан унутчаактык келип чыгат, а жеңил ойлуулугу маанилүү нерселерге жеңил мамиле кылууга жол берет. Кыйынчылыктардан оңой өтөт, анткени, алардын эске сактоосу кыска.
Жай
Башка мезгилдерге караганда жайды жакшы көргөн адамдар - тубаса лидерлер. Алар башкалардын жүрөгүн өздөрүнүн чеги жок энергиясы менен багындыра алат. Баштарында такай көптөгөн идеялар, пландар, чоң-чоң ойлор жүргөн бул адамдарга башкалар суктанышат. Булардан эң жакшы жетекчилер чыгат, бирөөгө баш ийүүдө алар өздөрүн жаман сезишет. Аябай өжөр, өздөрү каалаганга жетүүгө болгон күч-аракетин жумшашат. Жайдын сүйүүчүлөрү сүйүүгө ишенимдүү, туруктуу, кыялкеч, таарынчаак. Ажырашууну жана турмуштук башка жагымсыз нерселерди көтөрө алышпайт. Оңой менен кечиришпейт, таарынычы да кеч жазылат, жалганды жек көрүшөт.
Күз
Күз мезгилин түнт, уялчаак, өзүнө ишенбеген, депрессияга жакын адамдар сүйүшөт. Ушул мезгилдеги аба-ырайындай болуп бул адамдардын мүнөзү да тез-тез өзгөрүп турат. Алар тынчтыкты жана адамдардан обочолонуп өзүнчө болууну жактырышат. Достору да көп эмес, жаңы адамдар менен тил табышып кетиши кыйын, алар эч качан өздөрү биринчи таанышпайт. Табиятынан өздөрүнө өздөрү ишенимсиз болгондуктан, мындай адамдардын көпчүлүгү ичимдикке жакын келишет. Күздү сүйгөн адамдардын ичинен чыгармачыл адамдар өтө көп кездешет.
Присоединяйтесь к ОК, чтобы подписаться на группу и комментировать публикации.
Комментарии 19
Эс алуу, Ысык Колум, пландар, тоонун таза абасы, кымыз жыттанган жайлоо!