Предыдущая публикация
Yoningda men shunchaki,
Yurmoq uchun sevmadim.
Men seni birovlarga,
Bermoq uchun sevmadim.
Sevmadim zerikkandan,
Mehrga zoriqqandan,
Yuragim zo‘riqqandan,
Ermak uchun sevmadim.
Qochib ko‘z yosh - ashkingdan,
Kechib ko‘ngil ko‘shkingdan,
Bezor bo‘lib rashkingdan,
Ketmoq uchun sevmadim.
Sevdim seni jon qadar,
Eng yaqin inson qadar,
Har kuni ming qayg‘u, dard,
Yutmoq uchun sevmadim.
O, mening parivashim,
Qo‘limda qo‘nmas qushim,
Qalbimni bir bor tushun,
Kutmoq uchun sevmadim...
Yoningda men shunchaki,
Yurmoq uchun sevmadim.
Men seni birovlarga,
Bermoq uchun sevmadim.
Ahad_Qayum
Присоединяйтесь к ОК, чтобы подписаться на группу и комментировать публикации.
Нет комментариев