Байрам баҳона севгилисига бир даста гул кўтарган ким,жуфтига хушбуй мушку анбар харид қилган киму,аёл ҳамкасбларини қутлашга ҳозирлик кўраётганлар кимлар…
Аёл зоти учун тортиқ қиладиган туҳфанинг қиймати,нархи,навоси муҳим эмас дейишади,энг муҳими оз бўлса-да эътибор,зъзоз,чин дилдан айтилган покиза тилак,юрак-юракдан нимадир демоқ,қаршингизда турган сирли ҳилқатнинг кўнгил оламини мунавар этмоқ. Ростдан ҳам шундаймиш, айтишларича, аёл кишига энг қимматлиси самимий калом, ундан ортиқ бўлолмас симу зар –инъом.
Шундай экан мен ҳам қадрли аёлларимизга энг сара тилакларимни,қалб истакларимни изҳор қилгим келди…
Муҳтарам аёллар,мунис онажонлар,қадрли опа-сингиллар!
Баҳорнинг илк байрами 8- март – Халқаро хотин-қизлар куни барчангизга муборак бўлсин!
Биламизки,сиз меҳри осмон она,оқила опа,куйинчак сингил,севимли ёр,вафодор дилдорсиз. Рўзғорнинг сариштаси,эркак кўнглинининг бекаси ҳам Сиз –ўзингиз. Ва яна шуни ҳам биламизки,инсон умрининг мазмуни белгилаб берувчи,ҳаёт моҳиятини англатувчи ўта муҳим, қатор масъулиятли юмушлар сизнинг нозик елкаларингизга юклатилган.
Зеро,сиз нафақат кўнглимизу кулбамиз,балки умримиз бекасисиз! Истагимиз,бетакрор бекалик онларингиз умри боқий бўлсин!
Бахт деганлари ҳамиша бўйингиз билан бўйлашиб,ортингиздан қувлашиб,изингиздан адашмай мудом эргашиб юрсин!
Ҳеч қачон қайғу кўрманг,ғам еманг,андуҳ нима сира билманг!
Бизнинг бахтимизга,миллатимиз,халқимиз толесига доимо соғ омон бўлинг,дунё тургунча туринг,
Яна бир бор айём муборак!
Присоединяйтесь к ОК, чтобы подписаться на группу и комментировать публикации.
Нет комментариев