Предыдущая публикация
ҚАБРДАН КЕЛГАН ОНА НИДОСИ!
Соғинсанг йиғлама, жоним болам-а!
Сенинг хаёлингда ҳар кун юраман.
Қани деб излама менинг Онам-а!
Энди тушларингда келиб тураман.
😪😪😪😪😪😪😪😪😪😪😪😪😪😪
Омонат Аллоҳга топширдим сени,
Мен шукур келтирдим берган ёшига.
Улғайиб унутма жон болам мени,
Ҳар замон келиб тур қабрим бошига.
😪😪😪😪😪😪😪😪😪😪😪😪😪😪
Афсус, орзуларим кўп эди, аттанг,
Ортимдан йиғламай дуолар қилгин.
Ўзгани ёр қилса кун келиб Отанг.
Розиман, ўшани Онам деб билгин.
😪😪😪😪😪😪😪😪😪😪😪😪😪😪
Мен мана йўл олдим, йўлим олис деб,
Соғинсам ичимга ютиб юраман.
Худо Жаннат ато қилса бандам деб,
Сизларни Жаннатда кутиб тураман.
😪😪😪😪😪😪😪😪😪😪😪😪😪😪
Фақат эсли бўлинг, одобли бўлинг,
Қурон оят ўқинг соғинган дамлар.
Мард бўлинг, эҳсонлик, бир гапли бўлинг.
Етим деб кулмасин кўрган одамлар.
😪😪😪😪😪😪😪😪😪😪😪😪😪😪
Ҳушёр бўл синглингга, эҳтиёт қилгин,
Тунлари гоҳ йиғлаб қолиши мумкин.
Суъратимни илсанг, олдига илгин,
Кўрганда соғинчи қониши мумкин.
😪😪😪😪😪😪😪😪😪😪😪😪😪😪
Ўша мендан мерос сенга Омонат,
Унинг юзларида мени кўрасан.
Ардоқла, илтимос, ўтинчим фақат,
Бечора қизимга Ака бўласан.
😪😪😪😪😪😪😪😪😪😪😪😪😪😪
Келиб тур ёнимга, тез-тез келиб тур,
Қабрим нурга тўлар кўрса соянгни.
Меҳрингни аяма, доим бериб тур,
Йўқлаб тур меҳрингга тўймас Онангни..
Следующая публикация
Комментарии 4