Əlimizdə olan məişət vasitələri bizlərə xidmət etməli və çatmaq istədiyimiz hədəf üçün vasitəçi rolunu oynamalıdır.
Məsələn paltaryuyan maşının həyatımızdakı rolu paltarlarımızı yuyaraq, təmizləməkdən ibarət olmalıdır.
Ətçəkən maşının rolu isə yeyəcəyimiz əti çəkməkdən ibarətdir.
Tozsoran maşın döşəmədəki tozları təmizləmək üçündür.
Avtomobil bizi getmək istədiyimiz ünvana çatdırmalıdır və s...
Telefonlar da bu qəbildəndir. Sosial rabitəni asanlaşdırmalı və həyatımızdakı bir o qədər də əhəmiyyətli olmayan digər işlərimizdə bizə kömək etməlidir-saniyə ölçməsi, addım sayması, saatı, şəkil çəkməsi və s. funksiyaları ilə...
Əgər ətçəkən maşın ət çəkməkdən əlavə bizi gün boyu özünə əsir etsə və işimiz onun ət çıxan məsamələrini barmağımızla oynatmaqdan ibarət olsa, dostlarımızla görüşdə onun dəstəyini cibimizdən çıxarıb oynatsaq, evdə, ailə kənarında söhbət edən heç bir kəsə fikir verməyib, yalnız onun detalları ilə vaxt keçirsək kənardan necə görünərik?! Çox gülünc elə deyilmi?
Baxın telefona əsir olanlar da belə gülünc görünürlər...
Unutmayın ki, telefonun həyatımızdakı əsas rolu sosial rabitələrimizi asanlaşdırması olmalıdır, sosial rabitələrimizi qırması yox...
Məsum imamlardan nəql olunmuş hədisdə gün 4 hissəyə bölünür və biri məişət üçün qazanca, biri ibadətə, biri halal ləzzətlər və ailə ilə istirahətə, biri də sizə eyblərinizi başa salan dostlar ilə görüşə ayrılır. Əgər həyatımızı bu hədisə uyğun qursaq günümüzün böyük hissəsini telefon oyunlarında, faydasız sosial şəbəkələrdə keçirməyə zaman qalmaz...
Hədis-İmam Museyi Kazimdəndir.
Присоединяйтесь к ОК, чтобы подписаться на группу и комментировать публикации.
Нет комментариев