Предыдущая публикация
МАРИЙ ЕШ – «РОССИЯ 1» каналыште 👪🎬
Ты кугарнян «Россия 1» каналыште «НАШИ» передачым ончыза. Тудо 13 шагатлан эфирыш лектеш. Передаче Полиций кечылан пӧлеклалтын.
Тушто Пошкырт кундем Калтаса район гыч марий полицейский ешым ончыктат. Ты ешыште ачашт да кум ӱдырышт правам аралыме корным ойырен налыныт. Ачашт, Тимиркаев Илья Тимиршинович, уголовный розык начальник лийын. Кызыт отставкысе подполковник. Тудо марий поэт Анатолий Тимиркаевын шольыжо.
Илья Тимиршинович ден Нина Петровнан кум ӱдырыштат полиций корным ойырен налыныт. Снежанна (кызыт пенсийыште) отставкысе подполковник, пошкудо Бурай районышто уголовный розыск начальник лийын. А йыгыр ӱдыр-влак кокла гыч иктыже, Диана, прокуратурышто ыштен, кызыт федеральный судья лияш ямдылалтеш. Полиций капитан, Лиана ӱдырышт, Калтаса районыштак участковыйлан ышта.
Москошко кум ӱдыр пелашышт дене пырля, Илья Тимиршинович ден Нина Петровна да кум уныка миеныт. А тиддеч ончыч Калтасашке «Россия 1» канал гыч съемко дене толын каеныт: самырык ӱдырамаш-шамычын паша верыштышт, суртыштышт видеом сниматленыт.
✍Ирина Степанова.
📸Тимиркаевмытын еш альбом гыч фото-влак.
Следующая публикация
Нет комментариев