КУГАРНЯ газет

🌸🎨 5 июльышто Марий Турек районысо "Ӱжара" каныме базыште II Платунов пленэр эртаралтын. Тушко 30 художник миен, уна-шамычат ятырын лийыныт. Ты гана уста сӱретче Иван Ямберде мастер-классым ончыктен. Куанле: Марий Турекысе Йоча сымыктыш школын ондакысе туныктышыжо Нина Алексеевна Никитинан ныл тунемшыже участвоватлен. Нуно чыланат профессионал улыт. 📷Р.Мухаметханова.

«Ешем – поянлыкем» конкурсыш пурышо паша Шахмат кечым жаплена Ачам Геннадий Алексеевич Конаков Эшолдино школышто биологий ден химийым шуко ий туныктен. Тыгак ачам марий поэзийым йӧрата. Йӧратыме поэтше – Альберт Васильев. Марий концертышкат куанен коштеш, Володя Матвеевын мурымыжо чонжылан лишыл. Ялышке мийымем годым ачам дене кызытсе поэзий, прозо нерген мутланена, ача-авам дене сылнымут касым эртарена. Авам Надежда Сергеевна Конакова (Чендемерова) Шернур район Эшполдин ден Купсола школлаште икшыве-влакым руш йылме ден литературлан 29 ий шӱмаҥден. Тений авам тукымвож пушеҥгым сӱретлен да «Чендемеровмыт тукым» изирак шымлымашыжым родо-влаклан пӧлеклен. Мемнан ешыште поснак жаплыме пайрем – тиде Шахмат кече (20 июль). Ачам ден авам шахмат дене модын палыме лийыныт. Авам Всероссийский Телымсе ялысе спорт модмашыштат республикнан чапшым арален: 2005 ийыште – Курганыште, 2007 ийыште – Омскышто, 2009 ийыште – Ханты-Мансийск олаште. Коча-ковам ончен, Даниил уныкаштат шахмат дене модаш кумылаҥын да «Шахматы» почеламутым серен, тений Марий Элысе Писатель ушемын эртарыме «Сылнымут алмаштыш» регион-влак кокласе молодёжный сылнымут конкурсышто шке таҥаш-влак коклаште 1-ше верым налын.

Марий Элысе коллектив-влакат шке усталыкыштым Сабантуйыш толшо уна-влаклан ончыктеныт.

Федеральный Сабантуй гыч фоторепортаж. Медведево район Руэм ипподром. М.Скобелевын фотожо-влак/ "Марий Эл" увер агентстве

Федеральный Сабантуй гыч фоторепортаж. Медведево район Руэм ипподром. М.Скобелевын фотожо-влак/ "Марий Эл" увер агентстве

Федеральный Сабантуй гыч фоторепортаж. Медведево район Руэм ипподром. М.Скобелевын фотожо-влак/ "Марий Эл" увер агентстве

Тӱрлемшудо ятыр черым эмла Калык медициныште тӱрлемшудо лышташ пуалмым шупшылшо, сусырым эмлыше да вӱр йогымым чарыше йӧн семын кучылталтеш. Гастрит, энтерит, колит да пагар йора годым 500 мл шокшо вӱдыш кок кугу совла коштымо лышташым пыштыман да изи тулышто 5-10 минут шолтыман, вара эше пел шагат шинчыктыман. Лемым 1/3 стакан дене кечеш кум гана сайрак лиймешке йӱман. Сусыр кужун парем огеш керт гын, коштымо лышташым 2-3 чӱчалтыш кушкыл ӱй дене порошок марте туржман да 1:9 кугыт дене вазелин дене варыман. Тудым сусыр пареммешке йыгыман. Стоматит, пародонтоз годым ик стакан шокшо вӱдыш ик кугу совла лышташым пыштыман, йӱкшымешке шинчыктыман, шӱрыман да умша кӧргым шӱалтыман. Атеросклероз деч аралалташ, вӱргорным пеҥгыдемдаш манын, ик стакан шокшо вӱдыш ик кугу совла лышташым пыштыман, 20-30 минут шинчыктыман, кечыгут йӱман.

Таче Сабантуйышто "Тёплая речка" трактир-кухньышто 2024 бармакым (татар калыкын шере кочкышыжо, печене) ыштеныт. Тидын дене черетан тӱнямбал рекордым шынденыт. Кажне кумылан еҥ бармакым Еш пушеҥгыш сакалтен кертын. Вара пеленже ешыжым сийлаш наҥгаен.

💥XXIV Федеральный Сабантуйын абсолютный батырже – Татарстан гыч Галлямов Муса. Корэш кучедалмаш дене Российысе таҥасымаште сеҥымылан тудлан тагам да у машина деч сравочым кучыктеныт. Муса Параньга район Ирнур ялыште шочын-кушкын. Саламлена!

Сабантуйышто тӱрлӧ спорт таҥасымаш-влак эртат!