Doğum tarixi: 14 avqust 1946-cı il
Doğum yeri: Suvagil, Zaqatala
Milliyyəti: saxur
Azerbaycan Texniki Universiteti Tədris işləri üzrə prorektor - iqtisad elmləri namizədi, dosent.
Yahudov Xalıq Məcid oğlu 14 avqust 1946-cı ildə Zaqatala rayonunun Suvagil kəndində anadan olmuşdur. 1953-cü ildən 1964-cü ilədək Suvagil kənd orta məktəbində oxumuş, 1964-cü ildə onbirinci sinfi əla qiymətlərlə bitirdikdən sonra S.M.Kirov adına Azərbaycan Dövlət Universitetinin İqtisad fakültəsinin 1-ci kursuna daxil olmuşdur. 1967-ci ildə D.Bünyadzadə adına Azərbaycan Xalq Təsərrüfatı institutunun(AzXTİ) bərpa olunması ilə əlaqədar olaraq bu instituta keçmiş, 1969-cu ildə oranı müvəffəqiyyətlə bitirmiş və işləmək üçün Azərbaycan Dövlət Plan Komitəsinin Elmi-Tədqiqat İqtisadiyyat institutuna(DPK-nın ETİİ) göndərilmişdir. Burada o, 1969-cu ilin noyabr ayınadək baş elmi işçi vəzifəsində çalışmışdır.
1969-cu ilin noyabr ayında D.Bünyadzadə adına AzXTİ-nin əyani aspiranturasına qəbul olunmuşdur.
1970-ci ilin noyabrından 1971-ci ilin noyabrınadək Sovet Ordusu sıralarında həqiqi hərbi xidmətdə olmuşdur.
1973-cü ildə aspiranturanı bitirərək Azərbaycan DPK-nın ETİİ-nə işə göndərilmişdir. Burada o, kiçik elmi işçi, sektor müdiri və şöbə müdiri vəzifələrində çalışmışdır.
1975-ci ildə iqtisad elmləri namizədi alimlik dərəcəsini, 1984-cü ildə dosent elmi adını almışdır.
1977-ci ildə SSRİ Dövlət Plan Komitəsinin Ali İqtisadiyyat kursunu bitirmişdir.
1981-ci ildə Ç.İldırım adına Azərbaycan Politexnik İnstitutuna (AzPİ) baş müəllim vəzifəsinə keçmişdir(bu institut 1991-ci ildən Azərbaycan Texniki Universiteti(AzTU) adlanır). Yahudov X.M. 1982-ci ildən 1995-ci ilədək Maşınqayırma fakültəsinin dekan müavini vəzifəsində çalışmışdır.
1995-ci ildə AzTU-da «Mühəndis biznesi və menecment» fakültəsi yaradıldıqda Yahudov X.M. həmin fakültəyə dekan seçilmiş və 2003-cü ilin may ayınadək dekan vəzifəsində işləmişdir.
2003-cü ilin may ayında AzTU-nun Azad Həmkarlar İttifaqı Komitəsinin sədri seçilmiş və 2005-ci ilin dekabr ayınadək bu vəzifədə çalışmışdır.
2005-ci ilin dekabrından 2006-cı ilin avqust ayınadək AzTU-nun tərbiyə işləri üzrə prorektoru vəzifəsində işləmişdir.
2006-cı ilin avqust ayından isə AzTU-nun tədris işləri üzrə prorektoru vəzifəsinə təyin edilmişdir. Hazırda bu vəzifədə işləyir.
Yahudov X.M. bir çox elmi konfransların və simpoziumların iştirakçısıdır. O, 70-dən çox elmi məqalənin, dərsliyin, dərs vəsaitlərinin və metodik materialların müəllifidir. Yahudov X.M. «İqtisadi-riyazi metodlar və avtomatlaşdırılmış idarəetmə sistemləri»(14 çap vərəqi), «Maşınqayırma müəssisələrinin idarə edilməsinin təşkili»(6 ç.v.), «Sənaye istehsalının təşkili, planlaşdırılması və idarə edilməsi» fənnindən praktikum» (8 ç.v.), «Müəssisənin iqtisadiyyatı»(34,25 ç.v.) və «Menecmentin əsasları» (20,5 ç.v.) kitablarının müəllifidir. O, həmçinin «SSRİ maşınqayırmasının iqtisadiyyatı» (23 ç.v.) və «Maşınqayırma müəssisəsinin təşkili,planlaşdırılması və idarə edilməsi»(33 ç.v.) dərsliklərini rus dilindən Azərbaycan dilinə tərcümə etmişdir.
1986-1988-ci illərdə Azərbaycan Televiziyasının «Elm və həyat» curnalında aktual iqtisadi problemlərə həsr olunmuş silsilə verilişlər aparmışdır. O, həmçinin Azərbaycan Sovet Ensiklopediyasında çap olunmuş 20-dən çox məqalənin müəllifidir.
X.M.Yahudov müstəqil Azərbaycan Respublikası müəllimlərinin 1998-ci ildə keçirilmiş I(XI) qurultayının nümayəndəsi olmuşdur.
Hazırda X.M.Yahudov AzTU Elmi Şurasının sədr müavini, Təhsil və elm komissiyasının və Elmi-metodik şuranın sədridir. Eyni zamanda Azərbaycan Respublikası Təhsil Nazirliyinin Elmi-koordinasiya şurasının üzvü, «Ali təhsildə kadr hazırlığı üzrə işçi qrupunun» və «Texniki və texnoloci ixtisaslar üzrə Dövlət Standartlarını hazırlayan işçi qrupunun» sədridir.
2010-cu ildə X.M.Yahudova Əməkdar müəllim fəxri adı verilmişdir.
O, müntəzəm olaraq dövri mətbuatda çıxış edir. «Qızıl qələm» mükafatı laureatıdır. Elm və təhsildəki xidmətlərinə görə 26 iyun 2012-ci ildə Millətlər Birliyinin ictimai mükafatlar üzrə Şurasının Beynəlxalq Mükafatlar İttifaqının «Vəzifə və şərəf» ordeni ilə təltif olunmuşdur. «Xalqın nüfuzlu ziyalısı» və «Jurnalistlərin dostu» media mükafatlarına layiq görülmüşdür.
Yahudov X.M. ailəlidir. İki övladı və üç nəvəsi vardır.
Vəzifə borcu
Ali məkətblərin tədris işləri üzrə prorektorları həmin müəssisənin tədris, tədris-metodiki və tərbiyə işlərinə bilavasitə rəhbərlik edir, həmin işlər üçün rektor qarşısında cavabdehlik daşıyır.Onun əsas vəzifələrinə aşağıdakılar daxildir:
Fakültə və kafedralarda tədris, tədris-köməkçi qurumların (tədris emalatxanaları, tədrsi təsərüfatları və s.) işinə rəhbərlik, tələbələrin tədris və istehsalat təcrübələrinin keçirilməsinə nəzarət, tədris-metodiki konfransların təşkili işinə rəhbərlik, tələbələrin tədris və istehsalat təcrübələrinin keçirilməsinə nəzarət, tədris-metodiki konfransların təşkili işinə rəhbərlik, rektor olmadıqda onun səlahiyyətlərini icra etmək.
Bilməlidir:
Təhsil və gənclərin tərbiyəsi ilə bağlı hökümətin, milli məclisin, prezidentin qərar və göstərişlərini, ali təhsillə əlaqədar normativ sənədləri, ali məktəb pedaqoqikasını və psixologiyasını, elementar tibbi-gigiyena normalarını, tədris planlarının tətbiqi və tətbiqi qaydalarını, ali təhsil sahəsindəki son nailiyyətləri, təhsilin iqtisadiyyatının və maliyyələşdirilməsi prinsiplərinin əsaslarını, tədris prosesinin təşkili və olunması qaydalarını.
Присоединяйтесь к ОК, чтобы подписаться на группу и комментировать публикации.
Комментарии 4