Байрамға киҫеп алып, шыршыны әрәм итмәгеҙ
Яңы йыл - күңелле байрам яҡынлаша, уны өлкәндәр ҙә , балалар ҙа көтөп ала. Беҙ йортобоҙҙа хуш еҫле шыршы урынлаштырыуҙы ҡыуанып көтөп алабыҙ. Ҡупшыҡайҙы иң матур уйынсыҡтар менән биҙәп, Яңы йылды бергә ҡаршы алабыҙ. Быларҙың барыһы ла бик матур һәм шәп, әлбиттә, әммә байрам тамамланғас, беҙҙең урман һылыуҙары сүп – сар һауыттары янында урын ала. Был бик күңелһеҙ күренеш. Яңы Балаҡатай ауылындағы “Баҙлауыҡҡай” балалар баҡсаһының әҙерлек төркөмөндә “Шыршыҡай, йәшә!” тәбиғәтте һаҡлау акцияһы үтә.
Акцияның маҡсаты - беҙҙең байлығыбыҙ – ылыҫлы ағастарҙы киҫеүҙән яҡлау һәм һаҡлау, үҫмер быуында тыуған яғының тәбиғәт байлыҡтарына яуаплы ҡараш тәрбиәләү, тәбиғәтте һаҡлау эшмәкәрлегенә ижади әүҙемлекте күтәреү. Бе кешеләрҙе ағастарҙы әрәм итмәҫкә саҡырабыҙ, һеҙҙең йорттарығыҙҙа байрамда магазинда һатып алынған йә иһә үҙ ҡулдарығыҙ менән эшләнгән яһалма шыршылар торһон, урманда иһә беҙ”тере” ҡарағайҙар һәм шыршыларҙың хуш еҫен һулап ҡыуанырбыҙ.
Тәрбиәселәр С.Поезжаева, И.Гомзикова менән педагог – психолог Е.Носкова төркөмдә тематик әңгәмәләр уҙғарҙы, балалар менән занятиелар үткәрелде, видеофильмдар ҡаранылар. Педагогтар балалар менән уйнаны, шиғырҙар, хикәйәләр, әкиәттәр уҡыны, шыршы туаһында йыоҙар башҡарҙы. Әңгәмә барышында балалар бер бәләкәй шыршының нисә йыл үҫеүе, уның ниндәй хайуандар һәм ҡоштар өсөн йортҡа әүерелеүе, шыршының кешеләргә ниндәй файҙа килтереүе тураһында белде.
Балалар “Шыршыларҙы киҫмәҫ өсөн, шыршыны үҙеңә эшләргә кәрәк !” девизы аҫтында үҙ ҡулдары менән ҡағыҙҙан, ҡатырғанан һәм төрлө тәбиғи материалдан шыршылар эшләне. Улар балалар баҡсаһының экологик участкаһында үҫкән шыршыларҙы барып ҡараны, уларҙы байрамға матур итеп биҙәп ҡуйҙы.
Экологик акция мәктәпкәсә йәштәге балаларҙың хәтерендә мотлаҡ ҡалыр, һәм улар тәбиғәткә һаҡсыл ҡарар.
М.Власова, “Баҙлауыҡҡай” балалар баҡсаһы- баланы үҫтереү үҙәге мөдире
Присоединяйтесь к ОК, чтобы подписаться на группу и комментировать публикации.
Нет комментариев