Комила оилада тунғич фарзанд эди.Ундан кейин бир ука ва синглиси бор.Отаси кичиклигидаёқ онаси билан ажрашиб бошқа аёлга уйланиб кетганди.Онасининг кейинги турмушидан иккита фарзанди,яъни Комиланинг она бир битта ука ва битта синглиси бор.Онасининг иккинчи турмуши хам ухшамагач кейин турмуш қурмай бутун хаётини болаларига бағишлаганди.Комиланинг болалиги бироз йуқсилликда утган.Онаси болаларни оталари билан хеч қачон куриштирмасди.Хеч қанақа ёрдам хам олмасди.Комила дадаси хақида гапирганида жахли чиқарди,даданг одам булса бизни шунақа ташлаб уйланиб кетмасди гапирма деб.Аслида онасининг гапларида жон бор эди.Яхши ота ва оила бошлиғи авваламбор ажрашиш даражасига борадиган иш қилмайди ва болаларини хеч қачон эгасиз ташлаб қуймайди.Онам минг истамаса хам отам мени яхши курса,қандай қилиб булса хам ёрдам қиларди,мехр берарди деб уйларди Комила.Болалигидан арзигулик яхши хотиралари йуқ эди.Турмуши ухшамаган онаси анча асабий,хар битта нотуғри харакатига қаттиқ асабийлашарди.Купинча бирор хато қилса Комилани:-Эээ отангга ухшамай ул!-деб уришиб берарди.Комила энг куп шу танбехдан эзиларди,шунақа пайтларда отасидан нафратланарди,онасига эмас отасига ухшаганидан афсусланарди.Ниманики нотуғри қилса ё гап қайтариб онасини ранжитиб қуйса,ё бирор ишни эплолмаса яна шу танбех қулоғини уқдай тешиб утарди:-"Э-ээ ул отангга ухшамай!"Комила онасини айбламасди аслида,барибир жуда яхши курарди,онасига осон эмаслигини биларди.Болаларнинг ёлғиз устириш осонми,хам Комила хақиқатдан хам қулоқсизроқ булгандир,ёки онаси дадасига ухшамасин деб шунақа танбех бергандир доим.Лекин мактабда аълочи эди, уйниям онаси ишдалигида бахоли қудрат узи саранжом тутарди.Укаси билан синглисини деярли у катта қилди.Бешикни оёғи билан тебратиб ёнига дафтарларини қуйиб дарс тайёрларди.Китоб уқирди.Онаси болаларнинг отасидан ёрдам олмагани учун баъзан икки сменалаб ишларди,икки кичкина укаларию уйнинг тозалиги ва овқати Комиланинг буйнида эди.Онасичалик маромига етказиб қилолмасди албатта ишларни,лекин қулидан келганча қиларди мехнатдан қочмасди.Жахлдор онасининг тарбия махсули эди бу.Биринчи марта овқат қилганда 7 ёшдаги қизалоқ эди.16 га кирганда хониму мантиларни мустақил қила оларди.Онаси пазанда аёл эди аслида,фақат вақт танқислигидан хар доим хам ошхонада куймаланиб юролмасди.Дам олиш кунлари эса дам ололмасди онаси.Комила иккаласи эртадан кечгача тозалик,пишир куйдир,кир чир билан машғул булишарди.Онасининг иккинчи турмуши хам булмагандан кейин қариндош уруғлари хам хадеб хабарлашмасди.Онаси хам боравермасди уларникига.Чунки хар йиғин ва маъракада қариндошлар онасини шахсий хаётини кавлаштириб,шахсиятига тегиб камситишга харакат қилишарди.Онаси хам узини тортиб қолганди хаммадан.Хатто қушнилар билан хам куп олди бердиси йуқ эди.Шу эрли тукислардан узоқроқ юрай,булмаса бухтон қилиб бир нарсалар туқиб чиқариб уриштириб томошасини куради булар дерди.Бежизга эмас эди бунақа дейиши.Онаси бироз жахлдор булишига қарамай истараси иссиқ гузал аёл эди.Бир аёл хам гузал хам боши очиқ булса,камига икки турмуш қилган булса халққа мухокама учун яхши мавзу булади.Баъзи қушни аёллар эрларини рашк қиларди онасидан,чунки эрталаб ишга кетиб ва оқшом ишдан келаётган,кийимлари қоматига ярашган,узун сочларини битта қилиб уриб орқасига ташлаб олган онасини махаллани эркаклари кузатарди.Купини хотинлари уй бекалари,уззукун ховлидаги уриндиқларда утирволиб утган кетганни ғийбат қилиб утиришарди.Айниқса битта ашаддий урушқоқ,ғийбатчи аёл бор эди домларида.Исми Гулбахор,хамма қисқартириб Гуля опа дер эди.Шу Гуля опа домга ким кучиб келса Комилани онаси хақида ёмон гаплар айтиб таништирар экан.Бир йили бир ёш оила кучиб келди домга.Комилалар билан ёнма ён қушни эдилар.Гуля опа ким янги кучиб келса қушни курдига бир товоқ овқат олиб кириб,домдаги хамма хақида маълумот бериб,уз навбатида янги келганлар хақида хам маълумот туплаб кейин бошқа қушниларга тарқатар эди.Янги қушнилар кучиб келгандан кейин хам, одатига кура кунда кунора "хамсоятовоқ" қилиб кириб чиқиб бошлади.Бир куни онаси ишдан қайтгач,Гуля опани қушниникидан чиқиб келаётганини куриб мийиғида кулиб қуйди.
Комила янги қушниникига кираверма,Гуля опа серқатнов буп қолибди деди.Онасининг гапида жон бор эди.Биринчи кунлар онаси билан қуюқ сурашиб юрган янги қушни келин онасини курсаям курмасликка олиб утиб кетадиган булди негадир.Лекин Шахноз холаси Комилага яхши муносабатда эди хар холда,хатто баъзан кундузлари мактабдан келгандан кейин, бир лаган овқатми,ширинликми чиқариб укаларинг билан енглар деб берарди.Чунки Комила хам табиатан болажон булгани учун қушнининг кичкина қизчасига мехр бериб қолганди.Бир куни Комила уқишдан келса ховлида Шахноз холасини эри Уткир ака(янги қушниларнинг исми) билан Гуля опа жанжаллашиб туришган экан.Уткир ака:-Уялмайсизми опа?Уззукун утирволиб утган кетганни чайнаб утиргунча,уйга кириб ишингизни қилсангиз булмайдими?Одамлар дастингиздан уйида қаттиқроқ гапиришгаям қурқар экан,эртаси куни эр хотин туни билан ёқалашиб чиқди деб ёлғон ахборот ёяр экансиз махаллага.Яна бир марта орқаваротдан шунақа гап эшитсам,мендан хафа булманг кейин!-деб қаттиқ қаттиқ гапирарди.Гуля опа улиб қолса айбини буйнига олмайдиган шаллақи аёл,яна анча мунча мағзава ағдарди Уткир акага.Уткир ака Шахнозга қараб:- Шу хотинга яна бир марта қушилсанг,ё уйга қуйсанг,ёки уйига борсанг дабдалангни чиқараман!-деб Шахнозни уйга итариб киргизиб эшикни ёпиб қуйди.Хотинини бақир чақирига чиқиб келган Гуля опани эри хотинини химоясига бир нарсалар деб Уткир акага хезланиб келаётганди,Уткир ака бир хатлашда етиб олиб ёқасидан ушлаб:-Эээ менга қаранг ака сиз оғзимиз сенга бормасин!Мени сиз билан муаммом йуқ,фақат ғийбатчи ичи қора хотинингизни уйимдан узоқроқ ушланг,умуман эшигимни ёнидан утмасин-деб бир силтаб уйига киргизиб юборди.Мурод ака қушнига кучи етмаслигига кузи етди шекилли,Гуля опани ичкарига судрай бошлади.Албатта Гуля опа осонгина енгиладиганлардан эмасди,шунақа булса хам хайтовур эридан қурқди чамаси,саннай саннай уйга кириб дарвозасини тарақлатиб ёпиб кириб кетди.Комила баъзи бир нарсаларни тахмин қилган булса хам,жанжални нимадан чиққанини аниқ билмасди.Уша куни эртаси кун якшанба куни эди.Соат 12 га яқин эшикдан Шахноз холаси чақирди.Комила чиқувди:- Онанг уйдами Комиш?-деди.Қулидаги лаганда чиройли пиширилган булочкалар бор эди.Комила уйда деб, уйга бошлади Шахноз холасини.Онаси угра қилиб кесиб,энди қозонга солганди бу пайтда.Шахнозни куриб бироз хайрон булди,лекин очиқ чехра билан келинг келин деб мехмонхонага бошлади.Шахноз керакмас деса хам дастурхон ёзиб,қанд қурс, уйда бор мевалардан қуйди.Комилага сув қайнаб турибди чой дамлаб кел қизим деди.Шахноз холаси онасига у ёқ бу ёқдан гапириб утириб,опа кечаги жанжални эшитдингизми?-деди.Аслида Комила онасига Гуля опа билан янги қушнилар жанжал қилди деганида,бу нарсалар янгилик эмаску Гуля опанг учун,қуйвур сен қиз боласан ғийбат қилма,аралашмаям.Ишингни қил деб уришиб берганди.Лекин Шахнозга:-Билмайман қушни,мен ишга бориб ишдан келаман,кимни нима қилаётганига умуман қизиқмайман деди.Шунда Шахноз холаси утган кеча эрим билан бироз тортишиб қолгандик,овозимиз сал қаттиқроқ чиқибди шекилли,Гуля опа пойлаб хаммасини эшитган экан,эртаси иккала домдаги қушниларга тарқатибди.Одамларни биласизку,бирга унни қушиб етказишади.Кеча эрим бозордан келаётса доим кучада утирадиган Жамол амаки борку,Уткир хотининг билан нимага бақир чақир қилиб юрибсан ярим тунда,бу умумий дом,сенга қишлоқ эмас.Бақир чақир қилиб одамларнинг тинчини бузманглар,булмаса келган жойларингга қайтариб юборамиз дебди.Эрим хайрон бупти,Жамол амаки ким айтди,ха тортишдик озроқ лекин унақа бақир чақир қилганимиз йуқ,хаммада хам булади.Ким айтди сиз домнинг нариги четида қандай қилиб эшитдингиз дебди.Жамол амаки узингни билиб юравер,ким айтганини нима ахамияти бор дебди.Эрим сал қолса амаки билан жанжаллашиб қолай дебди.Охири Жамол амаки Гуля опа хотинига айтганини гуллабди.Хуллас булди жанжал опа.Онаси индамай утириб эшитди.Кейин келин бу бизни дом учун янгилик эмас,Гуля буни биринчи марта қилаётгани йуқ,охирги марта хам.Куп қушниларни шунақа уриштирган,мени хам янги келганимда ичимга кириб сиримни олиб бутун махаллага ёйган,мен олди берди йиғиштирганман деди.
Сизга хам маслахатим узоқроқ юринг,ёки салом аликдан нарига утманг қулоғингиз тинч булади деди.Шунда Шахноз опа туғри айтасиз опа,келган кунимдан узи хамма қушни хақида айтиб берувди деди.Онаси ялт этиб қараб:-Мен хақимдаям эхтиёт булинг иккита эр қилган,суюқоёқ хотин индамаса эрингизниям тортиб олади дедими?-деди.Шахноза бироз унғайсизланиб:-Йууғ-е опа,шунақа деганда хам мени узимни каллам йуқми?- деб қуйди.Онаси:- Қуяверинг мен уни биринчи марта кураётганим йуқ,унга бандаси бас келолмайди,Оллох бас келсин-дедилар.Шу шу Шахноз билан яхши буп кетишди.Уткир ака хам опа деб онасини хурматини жойига қуярди.Бир кун келиб уша ердан кучишганида энг хафа булган хам Шахноз холаси булди.
Орадан йиллар утди.Комила улғайиб турмушга чиқиб кетди.Ора ора эски яшаган уйларидаги қушниларни куриб у ёқдан бу ёқдан гаплашиб қоларди.Эл оғзига элак тутиб булмайди.Айниқса анча мунча қушни Гуля опани ғийбату фисқи фасодларидан азият чекканди.Гуля опани 5 боласи бор эди.Шулардан учтаси қиз.Тақдирни қарангки уччала қизи хам бир биридан утган тарбиясиз,жанжални пулга сотиб оладиган қизлар булиб етишишибди.Икки қизи қайнонасиникига сиғмай онасиникига кеволиб уйдаги келинлар билан жанжаллашовриб кун бермагани учун эр хотин иккала қизга амал тақал қилиб бир хонали уйдан иккита олиб кучиришибди.Булмаса ажраб кетишлари тайин экан.Биттасиники Комилалар яшаган подъезддан олишибди.Уртанчи қизи авввал роса ота онасини бошини эгиб,охирида бир бола билан қочиб кетибди.Йигитнинг уйидагилар қаттиқ туриб уйланишга йул беришмабди.Бир амаллаб қишлоқдаги узоқроқ фақирроқ бир қариндошига беришган экан,икки ойда хамма билан уришиб безор қилибди,охирида қайнсинглисини босиб урган экан,жанжаллардан чарчаган эри ажрашишга мажбур булибди.Хозирги учинчи эри хотин қуйган,хеч қаерда ишламайдиган ғирт алкаш бир йигит экан.Фақат Гуля опани катта келини яхши бир оиланинг фарзанди эди.У хам Гуля опа билан қизларининг яхшилигидан тухматга қолиб, эридан калтак ****,жуда куп азият чекибди.Алал оқибат кучиб чиқиб қутулибди.Жуда зукко тарбияли қиз булгани учун эриниям тарбиялаб Гуля опа билан қизларни таъсиридан анча узоқлаштиришга эришибди.Хозир Гуля опа келинлари эмас узидай шаллақи қизларининг даврасида экан.Аввал узи эди, энди қизларининг саргузаштлари бутун махаллага машхур экан...Нимаям дердик хар ким экканини уради.Хамма қилмишига яраша ажр олади.Комила буларни эшитиб асло хурсанд булгани йуқ.Аксинча қизларга ачинди.Ва хозир улар билан қушни турганларга хам...
Сохиба Қосимхон қизи.
Присоединяйтесь к ОК, чтобы подписаться на группу и комментировать публикации.
Нет комментариев